லங்காசிறி FM
முல்லைத்தீவு கடலில் வலைகளை அறுத்துவிட்டு தப்பியோடிய இந்திய இழுவைப்படகுகள்
முல்லைத்தீவு கடலில் இலங்கைக்கு சொந்தமான கடல் எல்லைக்குள் அத்துமீறி நுழைந்த இந்திய இழுவைப்படகுகள் கடற்தொழிலாளர்களின் வலைகளை அறுத்து நாசம் செய்துள்ளதுடன் குறித்த பகுதியில் கடற்படையைக் கண்டதும் இழுவைமடியை அறுத்துவிட்டுத் தப்பியோடியுள்ளதாக தெரியவருகிறது.
முல்லைத்தீவு கடற்பரப்பில் அத்துமீறி மீன்பிடியில் ஈடுபட்ட இந்திய இழுவைமடிப் (ட்ரோலர்) படகு ஒன்று, நேற்று (14.11.2026) இரவு உள்ளூர் கடற்தொழிலாளர்களின் மீன்பிடி வலைகளை அறுத்து நாசப்படுத்தியுள்ளதாக முல்லைத்தீவு கடற்தொழிலாளர்கள் தெரிவித்துள்ளனர்.
வலைகள் அறுப்பு
இதன்போது, இலங்கை கடற்படையினர் வருவதைக் கண்ட குறித்த இந்திய இழுவைமடிப் படகினர், தமது இழுவைமடியை அறுத்துவிட்டு அங்கிருந்து தப்பிச் சென்றுள்ளதாகத் தெரிவிக்கப்படுகிறது.
இதனையடுத்து, குறித்த இந்தியப் படகினால் அறுத்து விடப்பட்ட இழுவைமடி வலையின் ஒரு பகுதியை முல்லைத்தீவு கடற்தொழிலாளர்கள் கடலில் இருந்து கரைக்கு எடுத்துவந்துள்ளனர்.
முல்லைத்தீவு கடலில் இந்திய இழுவைமடி படகுகளின் அட்டகாசம் நாளுக்கு நாள் அதிகரித்துள்ளதாக கடற்தொழிலாளர்கள் குற்றம் சாட்டியுள்ளதுடன், கடற்படையினர் இவர்களை கட்டுப்படுத்த நடவடிக்கை எடுக்கவேண்டும்.
வளங்கள் சூறையாடல்
இனிவரும் காலம் முல்லைத்தீவு கடலில் இறால் படும் காலம் இதனால் இந்திய இழுவைமடி படகுகள் எங்கள் கடலில் உள்ள அனைத்து வளங்களையும் சூறையாடி செல்கின்றார்கள்.
இந்த நிலையில் இந்திய இழுவைப்படகால் அறுத்துவிடப்பட்ட இழுவைமடி வலை பெறுமதி இலங்கை ரூபாயில் ஒருகோடி ரூபா என கடற்தொழிலாளர்கள் தெரிவித்துள்ளார்கள்.
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
யாழ்ப்பாணம், Cinnamon Gardens, Colombo, Wimbledon, United Kingdom
06 Nov, 2026
கோண்டாவில் மேற்கு, Greven, Germany, Münster, Germany, Nordwalde, Germany, High Wycombe, United Kingdom
29 Oct, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
