லங்காசிறி FM
சஹ்ரானின் நெருங்கிய சகா அரச சாட்சியாக மாறினார்! திடுக்கிடும் தகவல்கள் அம்பலம்
உயிர்த்த ஞாயிறு தற்கொலைத் தாக்குதல்களுடன் தொடர்புடைய முக்கிய சூத்திரதாரியான சஹ்ரான் ஹாஷிமுடன் இணைந்து, தற்கொலைத் தாக்குதல்களுக்கான பயிற்சி பெற்ற நபர் அரச சாட்சியாக நீதிமன்றத்தில் முன்னிலையாகியுள்ளார்.
குறித்த நபர், சஹ்ரானுடன் இணைந்து பல்வேறு பயிற்சி முகாம்களில் ஆயுதப் பயிற்சி பெற்றவர் என்பது விசாரணைகளின் தெரியவந்துள்ளது.
அவர் இந்தத் தாக்குதல் குறித்து பல அதிர்ச்சியூட்டும் மற்றும் தீர்க்கமான இரகசியத் தகவல்களை நீதிமன்றில் வெளிப்படுத்தியுள்ளதாகத் தெரியவருகிறது.
நள்ளிரவு வரை நீடித்த விசாரணை
இரண்டு வருடங்களுக்கும் மேலாக நீண்டகாலமாக விசாரணை செய்யப்பட்டு வரும் இந்த வழக்கின் போக்கில், இந்த சாட்சியின் வாக்குமூலம் மிகவும் முக்கியத்துவம் வாய்ந்ததாகக் கருதப்படுகிறது.
சஹ்ரான் ஹாஷிமுடன் இணைந்து தான் மேற்கொண்ட ஈஸ்டர் தாக்குதல் திட்டங்கள் மற்றும் அதற்கான ஆயுதப் பயிற்சிகள் குறித்து அவர் நீதிமன்றில் விரிவாக ஒப்புக்கொண்டுள்ளார்.
நள்ளிரவு வரை நீடித்த விசாரணை மற்றும் கடுமையான பாதுகாப்பு இந்த வழக்கின் முக்கியத்துவம் கருதி, நீதிமன்ற விசாரணை நள்ளிரவு 12 மணி வரை தொடர்ந்து நீடித்தது.
சாட்சியின் உயிருக்கு இருக்கும் அச்சுறுத்தலைக் கருத்தில் கொண்டு, அவருக்குப் பலத்த பாதுகாப்பு வழங்குவதற்கான சிறப்புத் திட்டமொன்று நடைமுறைப்படுத்தப்பட்டுள்ளது.
அவரைப் பாதுகாப்பான இடத்தில் தடுத்து வைப்பதற்கும், நீதிமன்றில் முன்னிலைப்படுத்தும்போது பயன்படுத்த வேண்டிய சிறப்புப் பாதுகாப்பு உத்திகள் குறித்தும் பாதுகாப்புப் பிரிவினர் மற்றும் சிறைச்சாலை அதிகாரிகள் நடவடிக்கை எடுத்துள்ளனர்.
மேலும், நீதிமன்ற உத்தரவின்படி சாட்சியின் பெயர் மற்றும் அடையாளங்கள் முற்றிலும் இரகசியமாக வைக்கப்பட்டுள்ளன.
சட்டத்துறையினரின் எதிர்பார்ப்பு அரச சாட்சியாக மாறியுள்ள இந்த நபரின் வாக்குமூலம் மூலம், ஈஸ்டர் தாக்குதலின் பின்னணியில் உள்ள ஏனைய செயற்பாடுகள், அதற்கு நிதியுதவி மற்றும் ஆதரவு வழங்கிய ஏனைய வலையமைப்புகள் பற்றிய பல மறைக்கப்பட்ட உண்மைகளை வெளிக்கொண்டுவர முடியும் என சட்டத்துறையினர் மற்றும் புலனாய்வுப் பிரிவினர் பலத்த நம்பிக்கை தெரிவித்துள்ளனர்.
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
