லங்காசிறி FM
ஆபத்தான நிலைமை தொடர்வதாக நீர்ப்பாசனத் திணைக்களம் எச்சரிக்கை
உயர்ந்து வந்த ஆறுகளின் நீர்மட்டம் தற்போது குறைந்து வருகின்ற போதிலும், ஆபத்தான நிலைமை இன்னும் நிலவுவதாக நீர்ப்பாசனத் திணைக்களம் தெரிவித்துள்ளது.
அதற்கமைய, களனி கங்கையின் நீர்மட்டத்தில் நேற்று இரவு குறைவு காணப்பட்டது. நீர்ப்பாசனத் திணைக்களத்தின் சமீபத்திய அறிவிப்பிற்கமைய, அதன் நீர்மட்டம் 8.1 அடி வரை குறைந்துள்ளது.
எனினும் களனி கங்கையின் ஹன்வெல்ல நீர்மாணிக்கமைய, இன்னும் ஒரு சிறிய வெள்ள நிலைமை உள்ளது.
நீர்ப்பாசனத் திணைக்களம்
அதே நேரத்தில் நாகலகம்வீடிய நீர்மானிக்கமைய, நீர்மட்டம் பெரிய வெள்ள மட்டத்தில் உள்ளது என்று நீர்ப்பாசனத் திணைக்களம் தெரிவித்துள்ளது.
இவ்வாறான பின்னணியில், கொலன்னாவ, வெல்லம்பிட்டிய, வெலேவத்த, அம்பகஹ சந்தி, அங்கொட, அம்பதலை, வெலிவிட்ட, நவகமுவ, ஹங்வெல்ல உள்ளிட்ட பல பகுதிகள் மற்றும் அவற்றின் பக்கவாட்டு வீதிகள் தொடர்ந்து நீரில் மூழ்கியுள்ளன.
கொலன்னாவ பிரதேச செயலகப் பிரிவில் 42,655 குடும்பங்களை சேர்ந்த 170,000 க்கும் மேற்பட்ட மக்கள் இடம்பெயர்ந்துள்ளதாக பிரதேச செயலாளர் பிரியநாத் பெரேரா தெரிவித்தார்.
17 தங்குமிடங்கள்
மேலும், அத்தனகலு ஓயா பெருக்கெடுத்து ஓடுவதால் பல தாழ்வான பகுதிகள் நீரில் மூழ்கியுள்ளன, மேலும் ஜா எல பிரதேச செயலாளர் நிலங்க குணவர்தன கூறுகையில், பிரதேச செயலகப் பிரிவில் பாதிக்கப்பட்ட மக்களுக்காக 17 தங்குமிடங்கள் அமைக்கப்பட்டுள்ளன.
இந்த நிலையில், மகாவலி ஆற்றின் தாழ்வான பகுதிகள், திம்புலாகல, தமன்கடுவ, வெலிகந்த, லங்காபுர, மெதிரிகிரிய, சேருவில, கந்தளாய், கிண்ணியா மற்றும் மூதூர் பிரதேச செயலகப் பிரிவுகளுக்கு நீர்ப்பாசனத் துறையால் வெளியிடப்பட்ட வெள்ள எச்சரிக்கை அடுத்த 48 மணி நேரத்திற்கு நீட்டிக்கப்பட்டுள்ளது.
இதன் காரணமாக, பொலன்னறுவை - மனம்பிடிய, சோமாவதிய புனித தலத்தைச் சுற்றியுள்ள பகுதி, கல்லெல்ல உள்ளிட்ட பல பகுதிகள் தொடர்ந்து நீரில் மூழ்கியுள்ளன.
இதே வேளையில், வெள்ளத்தால் பாதிக்கப்பட்ட பகுதிகளில் வீட்டை சுத்தம் செய்வதற்காக 10,000 ரூபாய் தீர்மானிக்கப்பட்டுள்ளதாக அத்தியாவசிய சேவைகள் ஆணையர் நாயகம் பிரபாத் சந்திரகீர்த்தி தெரிவித்துள்ளார்.
ஈஸ்வரி மருத்துவ செலவு இத்தனை லட்சமா, குணசேகரன் புதுபிளான், தர்ஷினி அதிரடி... எதிர்நீச்சல் தொடர்கிறது Cineulagam
காந்திமதியை வீட்டிற்கு அழைத்த முத்துவேல், நடந்தது என்ன?... பாண்டியன் ஸ்டோர்ஸ் 2 சீரியல் எபிசோட் Cineulagam
நிறுத்தாமல் அடிக்கும் ஈரான்... ஆயுதங்கள் பற்றாக்குறையால் தடுமாறவிருக்கும் இஸ்ரேலும் அமெரிக்காவும் News Lankasri
கோப்பாய் வடக்கு, கைதடி, Wellington, New Zealand, சிட்னி, Australia
07 Mar, 2023
நெடுந்தீவு, புங்குடுதீவு 7ம் வட்டாரம், புங்குடுதீவு 3ம் வட்டாரம், Hamilton, Canada
03 Mar, 2025
நெடுந்தீவு மேற்கு, பாண்டியன்குளம், வவுனியா, வெள்ளவத்தை, பிரான்ஸ், France
03 Mar, 2022
Kuala Lumpur, Malaysia, உரும்பிராய், Ilford, United Kingdom
12 Mar, 2025
