வடக்கு மாகாணத்தில் குற்றச்செயல்கள் முற்றாகக் கட்டுப்படுத்தப்படும் : பிரதிப் பொலிஸ்மா அதிபர் உறுதி

Sri Lanka Police Sri Lanka Northern Province of Sri Lanka

By Kajinthan Mar 27, 2024 08:13 AM GMT

Kajinthan

in குற்றம்

Report

வடக்கு மாகாணத்தில் குற்றச்செயல்கள் முற்றாகக் கட்டுப்படுத்தப்பட்டு, பொதுமக்களின் பாதுகாப்பு உறுதிப்படுத்தப்படும் என்று வடக்கு மாகாண சிரேஷ்ட பிரதிப் பொலிஸ்மா அதிபர் திலக் சி.ஏ.தனபால தெரிவித்துள்ளார்.

கடந்த 21ஆம் திகதி வடக்கு மாகாண சிரேஷ்ட பொலிஸ்மா அதிபராகப் பதவியேற்றிருந்த திலக் சி.ஏ.தனபால, நேற்று (26) உரையாற்றுகையிலேயே இந்த விடயத்தை குறிப்பிட்டுள்ளார்.

குற்றச்செயல்கள்

மேலும் தெரிவிக்கையில், “வடக்கு மாகாணத்தின் சிரேஷ்ட பிரதிப்பொலிஸ்மா அதிபராகப் பொறுப்பேற்றிருப்பது மகிழ்ச்சியே. வடக்கு மாகாணத்தில் ஏற்கனவே பணியாற்றியவன் என்ற அடிப்படையில் இங்குள்ள பிரச்சினைகள் பலவற்றை அனுபவ ரீதியாகவும் உணர்வு பூர்வமாகவும் நான் அறிவேன்.

வடக்கு மாகாணத்தில் குற்றச்செயல்கள் முற்றாகக் கட்டுப்படுத்தப்படும் : பிரதிப் பொலிஸ்மா அதிபர் உறுதி | Crime In North Will Be Completely Controlled

ஆதலால், வடக்கு மாகாண மக்களுடன் இணைந்து பணியாற்றுவதில் எனக்கு எந்தச் சிரமமும் இருக்கப்போவதில்லை. வடக்கு மாகாணத்தில் வீதிப்போக்குவரத்தில் உள்ள குறைபாடுகள் விரைவில் நிவர்த்தி செய்யப்பட்டு மேம்பட்ட ரீதியிலான நடவடிக்கைகள் எடுக்கப்படும்.

போதைப்பொருள் பிரச்சினைகள், சமூகத்தில் புரையோடிப்போயுள்ள இதர குற்றச்செயல்கள் விரைவில் கட்டுப்படுத்தப்பட்டு பொதுமக்கள் அமைதியான வாழ்க்கை வாழ்வதற்கு முடியுமான நடவடிக்கைகள் அனைத்தும் விரைவில் மேற்கொள்வேன்” என்றும் சிரேஷ்ட பொலிஸ்மா அதிபர் தெரிவித்துள்ளார்.