சரணடைந்த விடுதலைப்புலிகள் உறுப்பினர்களின் தகவல்களை வழங்க மறுத்த இராணுவம்: மேன்முறையீட்டு நீதிமன்றில் வழக்கு தாக்கல்

வடக்கில் இடம்பெற்ற இறுதிக்கட்ட யுத்தத்தின்போது இராணுவத்திடம் சரணடைந்த தமிழீழ விடுதலைப்புலிகள் அமைப்பின் உறுப்பினர்களின் தகவல்களை வெளியிடுவதற்கு எதிராக ஊடகவியலாளர் ஒருவர் விடுத்த கோரிக்கை தொடர்பிலான வழக்கு ஒத்தி வைக்கப்பட்டுள்ளது. 

குறித்த வழக்கானது, எதிர்வரும் மே 21 ஆம் திகதி மீள் விசாரணைக்கு எடுத்துக் கொள்ளப்படவுள்ளது.

வடக்கில் நடாத்தப்பட்ட இறுதிக்கட்ட போரில் கைதான விடுதலைப்புலிகள் அமைப்பின் உறுப்பினர்களின் தகவல்களை வெளியிடுவதற்காக ஊடகவியலாளர் பி.நிரோஷ்குமார், தகவலறியும் ஆணைக்குழுவின் தீர்மானத்திற்கு எதிராக மேன்முறையீட்டு நீதிமன்றத்தில் மனு தாக்கல் செய்யப்பட்டது. 

அயல் வீட்டாரால் கொடூரமாக கொலை செய்யப்பட்ட நபர்

மனு தாக்கல் 

இந்நிலையில், இதனை எதிர்த்து கடந்த 28ஆம் திகதி முன்னெடுக்கப்பட்ட வழக்கு விசாரணையில் சட்டமா அதிபர் திணைக்களம் எழுத்துமூல ஆட்சேபனைகளை தாக்கல் செய்ய நீதிமன்றத்திடம் கால அவகாசம் கோரியுள்ளது.

இறுதி யுத்தத்தில் இராணுவத்திடம் சரணடைந்த விடுதலைப்புலிகள் அமைப்பின் உறுப்பினர்களின் தகவல்களை இராணுவம் வழங்க மறுத்ததன் காரணமாக ஊடகவியலாளர் பி. நிரோஷ் குமார், தகவல் அறியும் உரிமைச் சட்டத்தின் கீழ், தகவலறியும் ஆணைக்குழுவில் மேன்முறையீடு செய்திருந்தார்.

கடந்த 2022ஆம் ஆண்டு நவம்பர் மாதம் 3ஆம் திகதி, இராணுவத்திடம் இருந்து நிரோஷ்குமார் கோரிய தகவல் மறுப்புக்கு எதிரான மேன்முறையீட்டை தகவல் அறியும் ஆணைக்குழு பரிசீலித்த போது, இறுதி யுத்தத்த காலத்தில் இராணுவத்திடம் சரணடைந்த எவரும் பதிவு செய்யப்படவில்லை என இலங்கை இராணுவம் தெரிவித்திருந்தது.

அமைச்சர் டக்ளஸ் முயற்சியில் இணுவில் தொடருந்து கடவைக்கு புதிய சமிக்ஞை விளக்குகள்

தகவலறியும் சட்டம்  

இதன்படி சரணடைந்த தமிழீழ விடுதலைப்புலிகள் அமைப்பின் உறுப்பினர்கள் தொடர்பான தகவல்களை வழங்க மறுத்த இராணுவத்தின் தீர்மானத்திற்கு ஆதரவாக தகவலறியும் ஆணைக்குழு தீர்ப்பளித்துள்ளதாக ஊடகவியலாளர் தெரிவித்துள்ளார்.

2023ஆம் ஆண்டு நவம்பர் 8ஆம் திகதி தகவல் அறியும் ஆணைக்குழுவின் தீர்மானத்திற்கு எதிராக ஊடகவியலாளர் தாக்கல் செய்த மனு, மேன்முறையீட்டு நீதிமன்றத்தில் மார்ச் 28ஆம் திகதி விசாரணைக்கு எடுத்துக் கொள்ளப்பட்டது. 

இதன்போது, வழக்கு விசாரணையில் தங்களையும் ஒரு தரப்பினராக சேர்க்க வேண்டுமென கோரி அதற்குரிய ஆவணங்களை மன்றுக்கு சமர்ப்பிப்பதற்கு தகலவறியும் ஆணைக்குழுவின் சார்பில் மேன்முறையீட்டு நீதிமன்றில் கோரிக்கை விடுக்கப்பட்டது.

எவ்வாறாயினும், இந்த வழக்கு விசாரணையில் தகவலறியும் ஆணைக்குழுவையும் ஒரு தரப்பினராக சேர்க்க வேண்டும் என்ற கோரிக்கைக்கு அமைய ஆவணங்களை சமர்ப்பிப்பதற்காக திகதி ஒன்றையும் மேன்முறையீட்டு நீதிமன்றம் வழங்கியதோடு, மனுதாரர் அதற்கு எழுத்துமூல ஆட்சேபணையை தெரிவிக்கலாம் எனவும் கட்டளையிட்டது.

உடன் பதிவு செய்யுங்கள்: மேல் மாகாண முச்சக்கர வண்டி சாரதிகளுக்கு முக்கிய அறிவிப்பு