உருக்குலைந்த நிலையில் கால்வாய் ஒன்றில் காணப்பட்ட சடலம்
அம்பாறை - சம்மாந்துறை பொலிஸ் பிரிவிற்கு உட்பட்ட மாவடிப்பள்ளி பகுதியிலிருந்து சடலமொன்று மீட்கப்பட்டுள்ளது.
பொதுமக்கள் வழங்கிய தகவலின் அடிப்படையில் குறித்த சடலம் இன்றைய தினம் மீட்கப்பட்டுள்ளது.
உருக்குலைந்த நிலையில் கால்வாய் ஒன்றில் காணப்பட்ட அந்த சடலமானது ஆண் ஒருவருடையது என தெரிவிக்கப்பட்டுள்ளது.
சுமார் 40 முதல் 45 வரையிலான வயது மதிக்கத்தக்க இச்சடலம் கொலை செய்யப்பட்டு போடப்பட்டதா அல்லது இயற்கை மரணமா என பொலிஸார் விசாரணைகளை மேற்கொண்டுள்ளனர்.
சம்பவ இடத்திற்கு தடயவியல் பொலிஸார் வரவழைக்கப்பட்டுள்ள நிலையில் சம்மாந்துறை பொலிஸார் விசாரணைகளை மேற்கொண்டுள்ளனர்.