கடவத்தை - மீரிகம அதிவேக நெடுஞ்சாலையின் கட்டுமானப் பணிகள் விரைவில் மீள ஆரம்பம்

மத்திய அதிவேக நெடுஞ்சாலையின் கடவத்தையிலிருந்து மீரிகம வரையிலான பகுதியின் கட்டுமானப் பணிகளை அடுத்த சில வாரங்களுக்குள் மீண்டும் தொடங்கப்படவுள்ளது.

இலங்கை அரசாங்கத்திற்கும் சீனாவிற்கும் இடையில் குறித்த கட்டுமாணப் பணிகள் தொடர்பில் புதிய திருத்தப்பட்ட ஒப்பந்தம் கைச்சாத்திட அனைத்து ஏற்பாடுகளும் செய்யப்பட்டுள்ளதாகத் தெரிவிக்கப்படுகிறது.

பிரான்ஸ் ஜனாதிபதி தங்கவிருந்த ஹோட்டல் அருகே குண்டு வெடிப்பு! பெரும் பரபரப்பில் சிரியா

விசேட திட்டம்

சீன ஏற்றுமதி-இறக்குமதி (எக்சிம்) வங்கியின் நிதிப் பங்களிப்புடன் செயல்படுத்தப்படும் இந்த விசேட திட்டத்தின் அடுத்த கட்ட நடவடிக்கைகள் குறித்து இரு தரப்பினரும் தற்போது இறுதி இணக்கப்பாட்டிற்கு வந்துள்ளனர்.

திட்டத்தின் நிதி மற்றும் அமைப்புசார் விடயங்களை மீளாய்வு செய்வதற்காக, சீன எக்சிம் வங்கியின் உப தலைவர் யாங் டோங்னிங் தலைமையில் உயர்மட்ட தூதுக்குழுவொன்று அண்மையில் இலங்கைக்கு விஜயம் செய்தது.

நிதி மற்றும் திட்டமிடல் பிரதி அமைச்சர் அனில் ஜயந்த பெர்னாண்டோ மற்றும் வெளிவிவகார அமைச்சர் விஜித ஹேரத் உள்ளிட்ட நாட்டின் முக்கிய அரச அதிகாரிகளைச் சந்தித்து அவர்கள் விரிவான கலந்துரையாடல்களை நடத்தியுள்ளனர்.

இதன்போது, திருத்தப்பட்ட நிதி ஒப்பந்தத்தில் உள்ள புதிய வழிமுறைகளை நடைமுறைப்படுத்துவது குறித்து முக்கியமாக கவனம் செலுத்தப்பட்டுள்ளது.

கிராம மக்கள் ஒன்றுதிரண்டு மீண்டும் விகாரைக்கு அழைத்து வரப்பட்ட ராஜாங்கனை சத்தாரதன தேரர்

அபராதக் கட்டணங்கள் 

பல ஆண்டுகளாக திட்டம் தாமதமானதால் ஏற்பட்ட அபராதக் கட்டணங்கள் மற்றும் காலப்போக்கில் ரூபாயின் பெறுமதி வீழ்ச்சியடைந்ததால் மொத்த செலவு அதிகரித்தமை குறித்தும் இந்த இருதரப்பு பேச்சுவார்த்தைகளில் விசேட கவனம் செலுத்தப்பட்டுள்ளது.

இந்த மேலதிக செலவுகள் மற்றும் அபராதங்கள் நாட்டிற்கு சுமையாக அமையாத வகையில், சலுகை நிபந்தனைகள் மற்றும் நெகிழ்வான திருப்பிச் செலுத்தும் அடிப்படையில் ஏற்பாடு செய்வதற்காக தற்போதைய பேச்சுவார்த்தைகள் மிகவும் வெற்றிகரமாக முடிவடைந்துள்ளதாக அரசாங்க்தின் முக்கியஸ்தர்கள் குறிப்பிட்டுள்ளனர்.

எக்சிம் வங்கி அதிகாரிகளுடன் குறித்த பேச்சுவார்த்தைகள் சாதகமான மட்டத்தில் மேற்கொள்ளப்பட்டமை காரணமாக, இந்த மாத இறுதிக்குள் மற்றொரு சீன தூதுக்குழு இலங்கைக்கு வரவுள்ளது. இந்த வாரம் இரு தரப்பினரும் கலந்துரையாடி இறுதி முடிவெடுத்த, புதிய திருப்பிச் செலுத்தும் வழிமுறைகள் அடங்கிய உத்தியோகபூர்வ திருத்தப்பட்ட ஒப்பந்தத்துடன் அவர்கள் நாட்டிற்கு வருவார்கள்.

அதன் பின்னர் கட்டுமானப் பணிகள் உத்தியோகபூர்வமாக விரைவாக ஆரம்பிக்கப்படும்.

விரைவில் மீள ஆரம்பம்

சீன எக்சிம் வங்கியின் 500 மில்லியன் அமெரிக்க டொலர் நிதி ஒதுக்கீடு மற்றும் இலங்கை அரசாங்கத்தால் வழங்கப்படும் 438 மில்லியன் அமெரிக்க டொலர் நிதிப் பங்களிப்புடன் மீண்டும் தொடங்கப்படும் இந்த பாரிய திட்டம், 2028 செப்டம்பர் மாதத்திற்குள் முழுமையாக நிறைவு செய்ய இலக்கு நிர்ணயிக்கப்பட்டுள்ளது.

இதற்கு முன்னரும் இங்கு கட்டுமானப் பணிகளை மேற்கொண்ட சீன மெட்டலர்ஜிகல் கோர்ப்பரேஷன் நிறுவனம் இங்கு பிரதான ஒப்பந்தக்காரராக தொடர்ந்து செயற்படவுள்ளது.

மத்திய அதிவேக நெடுஞ்சாலை அமைப்பின் 37 கிலோமீட்டர் தூர கடவத்தை-மீரிகம பகுதியின் அனைத்து வேலைகளும் 2022 ஆம் ஆண்டு முதல் இன்று வரை முழுமையாக இடைநிறுத்தப்பட்டிருந்தன. தற்போது இதன் மொத்த கட்டுமானப் பணிகள் 51 சதவீத மட்டத்தில் உள்ளன.

பணிகள் ஆரம்பித்த பின்னர், எதிர்வரும் 2026 ஆம் ஆண்டு இறுதிக்குள் அதனை 65 சதவீதமாக அதிகரிக்கவும், 2027 ஆம் ஆண்டு முடிவடையும் போது திட்டத்தின் 90 முதல் 95 சதவீதம் வரையான பகுதிகளை நிறைவு செய்யவும், எஞ்சிய சிறிய பகுதியை 2028 ஆம் ஆண்டில் நிறைவு செய்யவும் திட்டங்கள் வகுக்கப்பட்டுள்ளன.  

முடிவுக்கு வந்தது ஒரு சகாப்தம்..! உலகக்கோப்பையிலிருந்து கண்ணீருடன் விடைபெற்றார் ரொனால்டோ