இலங்கை வரலாற்றில் கைது செய்யப்பட்ட முதலாவது முதற்பெண்மணி ஷிரந்தி

Mahinda Rajapaksa Bribery Commission Sri Lanka Shiranthi Rajapaksa Crime

By Benat Oct 07, 2026 04:58 AM GMT

Benat

in குற்றம்

Report

இலங்கை வரலாற்றில் முதன்முறையாக முதற்பெண்மணியொருவர் கைது செய்யப்பட்டுள்ளார்.

முன்னாள் ஜனாதிபதி மகிந்த ராஜபக்சவின் பாரியார் ஷிரந்தி ராஜபக்ச இன்று காலை கிருலப்பனையில் உள்ள அவரது இல்லத்தில் வைத்து இலஞ்ச ஊழல் ஒழிப்பு அதிகாரிகளால் கைது செய்யப்பட்டுள்ளார்.

பல குற்றச்சாட்டுக்கள்

இந்த நிலையில், இலங்கை வரலாற்றில் நிறைவேற்று அதிகாரம்கொண்ட ஜனாதிபதியாக பதவி வகித்தவர்களின் பாரியார்களுள் ஷிரந்தி ராஜபக்ச மாத்திரமே குற்றவியல் குற்றச்சாட்டுக்களின் அடிப்படையில் கைது செய்யப்பட்ட ஒரே ஒரு முதற்பெண்மணியாகும்.

இலங்கை வரலாற்றில் கைது செய்யப்பட்ட முதலாவது முதற்பெண்மணி ஷிரந்தி | Confession To Shiranthi

இதற்கு முன்னர் நிறைவேற்று அதிகாரம் கொண்ட ஜனாதிபதிகளாக பதவி வகித்த, ரணசிங்க பிரேமதாச, மைத்திரிபால சிறிசேன, ரணில் விக்ரமசிங்க மற்றும் கோட்டாபய ராஜபக்ச உள்ளிட்ட ஏனைய நிறைவேற்று அதிகாரம் கொண்ட ஜனாதிபதிகளின் துணைவியார்களில் எவர் ஒருவர் மீதும் பாரிய குற்றச்சாட்டுக்கள் மற்றும் வழக்கு விசாரணைகள் முன்னெடுக்கப்பட்டிருக்கவில்லை.

இந்தநிலையில், முன்னாள் ஜனாதிபதி மகிந்த ராஜபக்சவின் துணைவியார் ஷிரந்தி ராஜபக்ச மீது, இலஞ்ச ஊழல் குற்றச்சாட்டு, மோசடி மற்றும் கொலை உள்ளிட்ட பல்வேறு குற்றச்சாட்டுக்கள் சுமத்தப்பட்டு விசாரணைகள் நடத்தப்பட்டு வருகின்றன.

இந்த நிலையில், இன்று காலை ஷிரந்தி ராஜபக்ச கைது செய்யப்பட்டுள்ள நிலையில், இலங்கை வரலாற்றில் கைதான முதலாவது முதற்பெண்மணியாக அவர் பதிவு செய்யப்பட்டுள்ளார்.