மத்திய கிழக்கின் அரசியல் வரைபடத்தையே மாற்றிய கச்சிதமான ஸ்கெட்ச்: கமேனி கொல்லப்பட்டதன் பின்னணி!

ஈரான் மீதான அமெரிக்க-இஸ்ரேல் கூட்டுத் தாக்குதலில், அந்நாட்டின் உயர்மட்டத் தலைவர் அயதுல்லா அலி கமேனி கொல்லப்பட்டதற்கு அமெரிக்க உளவு அமைப்பான சி.ஐ.ஏ-வின் துல்லியமான உளவுத் தகவல்களே அடிப்படை என்று நியூயார்க் டைம்ஸ் இதழ் செய்தி வெளியிட்டுள்ளது.

கடந்த சில மாதங்களாக கமேனியின் ஒவ்வொரு அசைவையும் இரகசியமாகக் கண்காணித்து வந்த உளவுத்துறை, டெஹ்ரான் நகரின் மையப்பகுதியில் உள்ள ஒரு பாதுகாப்பு வளாகத்தில் முக்கிய அதிகாரிகள் கலந்துகொள்ளும் ஆலோசனைக் கூட்டத்தில் கமேனி பங்கேற்க இருப்பதை உறுதிசெய்தது.

இதை முன்பே செய்திருக்க வேண்டும்..! ஈரானின் புதிய தலைமையினருடன் பேச்சுவார்த்தை நடத்த சம்மதித்த ட்ரம்ப்

கொல்லப்பட்டதன் பின்னணி

முதலில் இரவு நேரத்தில் தாக்குதல் நடத்தத் திட்டமிடப்பட்டிருந்தாலும், சி.ஐ.ஏ வழங்கிய இந்த "உயர்தர" தகவலால், கூட்டத்தில் அனைவரும் இருக்கும்போதே தாக்குதல் நடத்தத் திட்டமிடப்பட்டு, சனிக்கிழமை காலை 9:40 மணிக்கு ஏவுகணைகள் ஏவப்பட்டன.

இந்தத் தாக்குதலில் கமேனி தங்கியிருந்த கட்டிடம் முற்றிலுமாகத் தகர்க்கப்பட்டதை செயற்கைக்கோள் புகைப்படங்கள் உறுதிப்படுத்தியுள்ளன.

அவருடன் ஈரானிய புரட்சிகர காவற்படையின் தளபதி முகமது பக்பூர் மற்றும் பாதுகாப்பு ஆலோசகர் அலி ஷாம்கானி ஆகியோரும் கொல்லப்பட்டுள்ளனர்.

அலி காமெனெயின் மரணத்தால் நான் மிகவும் மகிழ்ச்சியடைந்துள்ளேன்.. அவரது மருமகன் அதிரடி

உளவுத் தகவல் பகிர்வு

"ஒபரேஷன் எபிக் பியூரி" (அமெரிக்கா) மற்றும் "ஒபரேஷன் ரோரிங் லயன்" (இஸ்ரேல்) எனப் பெயரிடப்பட்டுள்ள இந்த நடவடிக்கையில், ஈரானின் ஒட்டுமொத்த தலைமைத்துவத்தையும் நிலைகுலையச் செய்வதே நோக்கமாக இருந்ததாகத் தெரியவருகிறது.

இந்தத் துல்லியமான உளவுத் தகவல் பகிர்வு, மத்திய கிழக்கின் அரசியல் வரைபடத்தையே மாற்றி அமைத்துள்ளதாக அரசியல் வல்லுநர்கள் கருத்து தெரிவித்துள்ளனர்.

ஈரானின் கடற்படை கப்பல்கள் விரைவில் கடலின் அடியில் மிதக்கும் - ட்ரம்பின் அறிவிப்பு!