வடக்கு - கிழக்கு கடற்றொழிலாளர்களுக்கு விரைவில் சீன மண்ணெண்ணெய்: அமைச்சர் டக்ளஸ்
சீன அரசாங்கத்தினால் கடற்றொழிலாளர்களுக்கு வழங்கப்படுகின்ற மண்ணெண்ணெய் விரைவில் வடக்கு, கிழக்கில் உள்ள ஏழு மாவட்டங்களுக்கும் வழங்கப்படும் என ஈழ மக்கள் ஜனநாயக கட்சியின் செயலாளர் நாயகமும், கடற்றொழில் அமைச்சருமான டக்ளஸ் தேவானந்தா தெரிவித்துள்ளார்.
இந்த விடயம் தொடர்பில் அவர் மேலும் கூறுகையில், இலங்கை முழுவதுமான கடற்றொழில் அமைச்சர் என்ற வகையில் கடற்றொழிலாளர்களின் பிரச்சினைகளை நன்கு அறிவேன்.
கடற்றொழிலாளர்களின் வாழ்வாதாரம் அன்றாட தொழில் நடவடிக்கை, வீட்டு வசதிகள் என்பவற்றை மேம்படுத்தும் முகமாக சீன அரசாங்கம் சுமார் 1500 மில்லியன் ரூபாவுக்கான செயற்திட்டங்களை ஆரம்பித்துள்ளது.
மண்ணெண்ணெய் பகிர்ந்தளிக்கும் நிகழ்வு
அதன் ஆரம்ப நடவடிக்கையாக இலங்கையில் உள்ள 15 கடற்றொழில் மாவட்டங்களைச் சேர்ந்த சுமார் 27 ஆயிரம் படகு உரிமையாளர்களுக்கு, ஒருவருக்கு 150 லீட்டர் வீதம் மண்ணெண்ணெய் பகிர்ந்தளிக்கும் நிகழ்வு நேற்று முன்தினம் ஆரம்பிக்கப்பட்டுள்ளது.
முதற்கட்டமாக 75 லீட்டர் மண்ணெண்ணெய் வழங்கப்படுவதோடு இரண்டாம் கட்டமாக எஞ்சியவற்றை வழங்குவதற்கான நடவடிக்கைகள் மேற்கொள்ளப்பட்டு வருகிறது.
வட மாகாணத்தில் உள்ள நான்கு கடற்றொழில் மாவட்டங்களுக்கும் கிழக்கு மாகாணத்தில் உள்ள மூன்று கடற்றொழில் மாவட்டங்களுக்கும் விரைவில் மண்ணெண்ணெய் வழங்குவதற்கான ஏற்பாடுகள் இடம்பெற்று வருகின்றது.
ஜப்பான் அரசாங்கம், ஆசிய அபிவிருத்தி வங்கி
சீன அரசாங்கத்தின் உதவி திட்டத்தின் கீழ் கடற்தொழிலாளர்களுக்கான வீடு மற்றும் கடற்தொழிலாளர்களுக்கான வலைகள் வழங்குவதற்கு ஏற்பாடுகள் இடம்பெற்று வருகின்றன.
அது மட்டுமல்லாது எரிபொருள் விலையேற்றத்தைக் கருத்தில் கொண்டு பற்றியில் இயங்கக் கூடிய படகினை சம்பிரதாயபூர்வமாக கடலில் இறக்கியுள்ளோம்.
எரிபொருளிலும் பார்க்க பற்றியில் இயங்கும் படகு இலாபகரமானதாகவும், சூழலுக்கு மாசு இல்லாத தொழிநுட்பமாகவும் கருதும் நிலையில் அதனை இலங்கையில் விரிவுபடுத்துவதற்கான செயற்றிட்டங்கள் மேற்கொள்ளப்பட்டு வருகின்றன.
ஆகவே ஜப்பான் அரசாங்கம், ஆசிய அபிவிருத்தி வங்கி மற்றும் இந்திய அரசாங்கமும் கடற்தொழிலாளர்களுக்கு உதவுவதற்கு முன்வந்துள்ள நிலையில் விரைவில் அதற்குரிய செயல்பாடுகள் ஆரம்பிக்கப்படும் என அவர் மேலும் தெரிவித்துள்ளார்.
நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |

Viral Video: வீட்டிற்குள் பதுங்கியிருந்த நல்ல பாம்பு... காப்பாற்றி தண்ணீர் கொடுக்கும் இளைஞர் Manithan

சீன தயாரிப்பு விமானத்தால் பாகிஸ்தான் சுட்டு வீழ்த்திய 2 இந்திய விமானங்கள்: அமெரிக்க நிபுணர்கள் உறுதி News Lankasri
