இந்திய இழுவை படகுகளுக்கு எதிராக கறுப்பு கொடி போராட்டம்

Indian fishermen Jaffna SL Protest Sri Lanka Fisherman

By Kajinthan Feb 24, 2024 10:44 AM GMT

Kajinthan

in சமூகம்

Report

இந்திய இழுவை படகுகளுக்கு எதிரான கறுப்புக் கொடி போராட்டம் ஒன்றினை இந்திய - இலங்கை கடல் எல்லையில் நடத்துவதற்கு யாழ்ப்பாண மாவட்ட கிராமிய கடற்றொழில் அமைப்புகளின் சம்மேளனம் அழைப்பு விடுத்துள்ளது.

யாழில் உள்ள அவர்களது அலுவலகத்தில் இன்றையதினம்(24.02.2024) நடைபெற்ற ஊடகவியலாளர் சந்திப்பிலேயே, அந்த அமைப்பின் பிரதிநிதி பாக்கியநாதன் றேகன் இவ்வாறு அழைப்பு விடுத்துள்ளார்.

அவர் மேலும் தெரிவிக்கையில்,

எப்படி விடுதலை செய்ய முடியும்

“இந்திய இழுவை படகுகள் எமது கடல் எல்லைக்குள் அத்துமீறி நுழைந்து தொழில் முதல்களை அழித்து வந்த வேளை, எமது கடற்படையினரால் இந்திய இழுவைப்படகுகள் கைப்பற்றப்பட்டு அதில் பயணித்த கடற்றொழிலாளர்கள் சிறையில் அடைக்கப்பட்டுள்ளார்கள்.

இப்போது இந்திய அரசாங்கம், அந்த கடற்றொழிலாளர்ககளை விடுதலை செய்யுமாறு எமது அரசாங்கத்திற்கு அழுத்தங்களை கொடுத்துக் வருகிறது.

இந்திய இழுவை படகுகளுக்கு எதிராக கறுப்பு கொடி போராட்டம் | Black Flag Protest Against Indian Trawlers

எங்களுடைய வளங்களை அழித்தவர்களை எப்படி விடுதலை செய்ய முடியும்? அவர்களுக்குரிய தக்க தண்டனை கொடுத்த பின்னரே அவர்களை விடுதலை செய்யலாம்.

எங்களுடைய வளங்களை சூறையாடி தங்களது பிழைப்புகளை நடத்தியவர்கள், தங்களது கடற்றொழிலாளர்களை எமது அரசாங்கம் பிடித்து வைத்துள்ளபோது அவர்களை விடுதலை செய்யுமாறு கேட்டுக் கொள்கின்றார்கள்.

இதன் காரணமாக அடுத்த வாரத்தில் எமது கடற்றொழிலாளர்கள் இணைந்து கறுத்தக்கொடி போராட்டம் ஒன்றினை இலங்கை - இந்திய கடல் எல்லையில் நடாத்த உள்ளோம்.” என்றார்.