பங்களாதேஷில் ஏற்பட்ட தீயில் 16 பேர் பலி

Bangladesh Fire Accident

By Shrikanth Oct 15, 2025 09:16 AM GMT

Shrikanth

in விபத்து

Report

பபங்களாதேஷ் தலைநகர் டாக்காவின் மிர்பூர் பகுதியில் ஆடைத் தொழிற்சாலை மற்றும் அருகிலுள்ள இரசாயன கனஞ்சியசாலையில் ஏற்பட்ட தீ விபத்தில் சுமார் 16 பேர் கொல்லப்பட்டதோடு பலர் படுகாயமடைந்துள்ளதாக சர்வதேச ஊடகங்கள் தெரிவித்துள்ளன.

இறப்பு எண்ணிக்கை அதிகரிக்கக்கூடும் என்றும் அதிகாரிகள் கூறியுள்ளனர்.

தீ விபத்துக்கான காரணம் இன்னும் தெரியவில்லை என தீயணைப்பு சேவை இயக்குநர் தாஜுல் இஸ்லாம் சவுத்ரி தெரிவித்துள்ளார்.

அத்துடன், ஆடைத் தொழிற்சாலையின் இரண்டாவது மற்றும் மூன்றாவது தளங்களில் இருந்து பதினாறு உடல்கள் மீட்கப்பட்டுள்ளன என அவர் கூறியுள்ளார்.

கட்டுக்குள் கொண்டுவரப்பட்ட தீ

மீட்புப் பணிகள் தொடர்ந்து நடைபெற்று வருவதால் இறப்பு எண்ணிக்கை அதிகரிக்கக்கூடும் என்றும் அவர் குறிப்பிட்டுள்ளார்.

பங்களாதேஷில் ஏற்பட்ட தீயில் 16 பேர் பலி | Bangladesh Garment Factory Fire Kills At Least 16

முதலில் தலைநகர் டாக்காவின் மிர்பூர் பகுதியில் உள்ள நான்கு மாடி தொழிற்சாலையின் மூன்றாவது மாடியில் நண்பகலில் தீ விபத்து ஏற்பட்டுள்ளது.

அதன் பின்னர், ப்ளீச்சிங் பவுடர், பிளாஸ்டிக் மற்றும் ஹைட்ரஜன் பெராக்சைடு சேமித்து வைக்கப்பட்டிருந்த ஒரு இரசாயனக் களஞ்சியத்திற்கும் பரவியுள்ளது என்று தீயணைப்புத் துறை அதிகாரி தல்ஹா பின் ஜாஷிம் கூறியுள்ளார்.

பங்களாதேஷில் ஏற்பட்ட தீயில் 16 பேர் பலி | Bangladesh Garment Factory Fire Kills At Least 16

தீயணைப்பு வீரர்கள் கிட்டத்தட்ட மூன்று மணி நேரத்திற்குப் பிறகு தொழிற்சாலை தீயை கட்டுக்குள் கொண்டு வந்தனர். ஆனால் களஞ்சியம் இன்னும் எரிந்து கொண்டிருப்பதாக தெரிவிக்கப்படுகிறது.