உலக அழகி 2025 இறுதிப்போட்டிக்கான தேர்வுகள் ஆரம்பம்: தயாராகும் இறுதிக்களம்

உலக அழகி 2025 இறுதிப் போட்டிக்கான தேர்வாளர்கள் தெரிவு ஆரம்பமாகியுள்ளது.

இதில் உலகெங்கிலும் இருந்து, ஹைதராபாத் தெலுங்கானாவுக்கு சென்றுள்ள, 40 போட்டியாளர்கள் போட்டிக்காக தயாராகி வருகின்றனர்.

காலிறுதிக்கு தகுதி பெறும் இந்த 40 போட்டியாளர்கள் இறுதிச் சுற்றில் உலக அழகி2025 மகுடத்துக்காக போட்டியிடுவார்கள்.

கனடா மே 18 நினைவு தூபி சேதம்..! அதிகாலையில் நடமாடிய மர்ம நபர்கள் - பொலிஸ் விசாரணை தீவிரம்!

இலங்கையின் போட்டியாளரும்

இதுவரை, விளையாட்டு திறன் மற்றும் திறமை திறன்கள் அடிப்படையில் இருந்து தலா ஒரு போட்டியாளரும், நேருக்கு நேர் என்ற ஹெட்-டு-ஹெட் திறனில் இருந்து நான்கு பேரும், உயர் மொடல் போட்டியில் இருந்து நான்கு பேரும் மற்றும் பியூட்டி வித் எ பேர்பஸ் பிரிவில் இருந்து நான்கு பேருமாக, மொத்தம் 14 வெற்றியாளர்கள் காலிறுதிக்கு தகுதிப் பெற்றுள்ளனர்.

மீதமுள்ள 26 போட்டியாளர்களை, அமெரிக்கா - கரீபியன், ஆப்பிரிக்கா, ஐரோப்பா மற்றும் ஆசியா - ஓசியானியா கண்டங்களைச் சேர்ந்த நடுவர்கள் தேர்ந்தெடுப்பார்கள் என்று ஏற்பாட்டாளர்கள் தெரிவித்துள்ளனர்.

இதில் இலங்கையின் போட்டியாளரும் தெரிவு செய்யப்படுவாரா? என்ற எதிர்பார்ப்பும் அதிகரித்துள்ளது.

இறுதியாக, ஒவ்வொரு கண்டத்திலிருந்தும் ஒரு போட்டியாளர் மட்டுமே மொத்தம் நான்கு பேர் உலக அழகி மகுடத்துக்காக போட்டியிடுவார்கள்.

அவர்களில், ஒருவர் 2025 மே 31ஆம் திகதியன்று வெற்றியாளராக முடிசூட்டப்படுவார், மற்ற மூவரும் அடுத்தடுத்த வெற்றியாளர்களாக தெரிவு செய்யப்படுவார்கள்.

நேருக்கு நேர் போட்டிகளில்

இதுவரை காலிறுதிக்கு, விளையாட்டு சவாலில் இருந்து எலிஸ் ராண்ட்மா( உலக அழகி எஸ்டோனியா), மோனிகா கெசியா செம்பிரிங்( உலக அழகி இந்தோனேசியா) ஆகியோர் தெரிவாகியுள்ளனர்.

நேருக்கு நேர் போட்டிகளில், ஆசியா மற்றும் ஓசியானியா கண்டத்தில் இருந்து இடில் பில்கன்( உலக அழகி துருக்கி), ஐரோப்பா கண்டத்தில் இருந்து, மில்லி-மே அடம்ஸ்(உலக அழகி வேல்ஸ்), ஆபிரிக்கா கண்டத்தில் இருந்து, பெய்த் ப்வால்யா( உலக அழகி சாம்பியா), அமெரிக்கா மற்றும் கரீபியன் கண்டத்தில் இருந்து, அன்னா-லிஸ் நான்டன்( உலக அழகி டிரினிடாட் மற்றும் டொபாகோ) ஆகியோர் தெரிவாகியுள்ளனர்.

சிறந்த மொடல் போட்டிகளில் இருந்து, ஐரோப்பாவின் ஜாஸ்மின் கெர்ஹார்ட்(உலக அழகி அயர்லாந்து), ஆபிரிக்காவின் செல்மா கமன்யா( உலக அழகி நமீபியா), ஆசியா மற்றும் ஓசியானியாவின் நந்தினி குப்தா( உலக அழகி இந்தியா), அமெரிக்கா மற்றும் கரீபியனின் ஆரேலி ஜோச்சிம்( உலக அழகி மார்டினிக்) ஆகியோர் தெரிவாகியுள்ளனர்.

பியூட்டி வித் பேப்பர்ஸ் போட்டியில் இருந்து வலேரியா பெரெஸ்( உலக அழகி புவேர்ட்டோ ரிக்கோ), நடாசா நியோன்யோசி( உலக அழகி உகாண்டா), மில்லிமே அடம்ஸ்( உலக அழகி வேல்ஸ்), மோனிகா கெசியா( உலக அழகி இந்தோனேசியா) ஆகியோர் தெரிவாகியுள்ளனர்.

தேசிய பிரச்சினையின் அச்சநிலையால் அநுர அரசு! பறிபோகவுள்ள தமிழர் தாயகம்

கொத்மலை விபத்து அறிக்கை! பொறுப்புகூறலுக்குள் உள்வாங்கப்பட்ட அரச நிறுவனங்கள்