லங்காசிறி FM
பண வைப்புகளை மேற்கொள்ளும் இலங்கை மக்களுக்கு மத்திய வங்கியின் அவசர அறிவுறுத்தல்
வங்கிகள் அல்லது நிதிச் சட்டத்தின் கீழ் உரிமம் பெற்ற அல்லது முறைப்படி அனுமதிக்கப்பட்ட சட்டபூர்வ நிறுவனங்களில் மட்டுமே பணத்தை வைப்பு செய்யுமாறு இலங்கை மத்திய வங்கி பொதுமக்களை அறிவுறுத்தியுள்ளது.
இலங்கையில் 6 நிறுவனங்கள் மற்றும் அவற்றின் பணிப்பாளர்களின் சொத்துக்கள் மற்றும் நிதிகளை முடக்க இலங்கை மத்திய வங்கி உத்தரவிட்டுள்ளது.
சட்டவிரோதமாக பண வைப்புகளை ஏற்றுக்கொண்டமை மற்றும் நிதித் தொழில் நடவடிக்கைகளில் ஈடுபட்டமை உள்ளிட்ட காரணங்களால் இந்த நடவடிக்கை எடுக்கப்பட்டுள்ளதாக அறிவிக்கப்பட்டுள்ளது.
2011ஆம் ஆண்டின் 42ஆம் இலக்க நிதிச் சட்டத்தின் 44ஆம் பிரிவின் கீழ் பிறப்பிக்கப்பட்ட இந்த உத்தரவுகள், கொழும்பு மேல் நீதிமன்றத்தினால் உறுதி செய்யப்பட்டு நீடிக்கப்பட்டுள்ளன.
விசாரணை முன்னெடுப்பு
இதில், இரண்டு நிறுவனங்களுக்கு எதிராக நிதிச் சட்டச் சட்டத்தின் 42ஆம் பிரிவின் கீழ் தற்பொழுது விசாரணைகள் முன்னெடுக்கப்பட்டு வருகின்றதாக தெரியவருகிறது.
மற்றைய 4 நிறுவனங்களும் நிதிச் சட்டத்தின் 2ஆம் பிரிவை மீறிச் சட்டவிரோதமாக நிதித் தொழிலை நடத்தியுள்ளமை மற்றும் பொது மக்களிடம் இருந்து பண வைப்புகளை ஏற்றுக்கொண்டமை உறுதி செய்யப்பட்டுள்ளதாக இலங்கை மத்திய வங்கி தெரிவித்துள்ளது.
இவ்வாறான நிலையிலேயே, வங்கிகள் அல்லது நிதிச் சட்டத்தின் கீழ் உரிமம் பெற்ற அல்லது முறைப்படி அனுமதிக்கப்பட்ட சட்டபூர்வ நிறுவனங்களில் மட்டுமே பணத்தை வைப்பு செய்யுமாறு இலங்கை மத்திய வங்கி பொதுமக்களை அறிவுறுத்தியுள்ளது.
யாழ்ப்பாணம், வவுனியா, கனடா, Canada, Montreal, Canada
31 Aug, 2015
