லங்காசிறி FM
உயிர்த்த ஞாயிறு தாக்குதல் தொடர்பாக கைது செய்யப்பட்டவர்களுக்கு விளக்கமறியல் நீடிப்பு(Photos)
உயிர்த்த ஞாயிறுத் தாக்குதல் தொடர்பாக காத்தான்குடி பிரதேசத்தில் கைது செய்யப்பட்ட சஹரானின் பயிற்சி முகாமில் பயற்சிபெற்ற மற்றும் அவருடன் தொடர்பை பேணி வந்தது தொடர்பாக சந்தேகத்தில் கைது செய்யப்பட்டு விளக்கமறியல் வைக்கப்பட்டிருந்தவர்களுக்கு விளக்கமறியல் நீடிக்கப்பட்டுள்ளது.
இதற்கமைய கைது செய்யப்பட்டு விளக்கமறியல் வைக்கப்பட்டிருந்த16 பேரையும் எதிர்வரும் 29 ம் திகதிவரை விளக்கமறியலில் வைக்குமாறும் மட்டக்களப்பு நீதவான் நீதிமன்ற நீதவான் பீற்றர் போல் இன்று (15.11.2022) உத்தரவிட்டுள்ளார்.
உயிர்த்த ஞாயிறு தாக்குதல்
உயிர்த்த ஞாயிறன்று இடம்பெற்ற தாக்குதலின் பின்னர் சஹரான் குழுவோடு தொடர்புடையவர்கள் என்றும் இவர்கள் ஹம்பாந்தோட்டை மற்றும் நுவரெலியா போன்ற இடங்களுக்கு பயிற்சிக்காக சென்றார்கள் என்ற சந்தேகத்தின் பேரில் காத்தான்குடியை சேர்ந்தவர்கள், சஹரானின் சகோதரி மற்றும் அவரின் கணவர் உட்பட 66 பேரை கைது செய்துள்ளனர்.
இவ்வாறு கைது செய்யப்பட்டவர்களுக்கு எதிராக காத்தான்குடி பொலிஸார் வழக்கு தாக்குல் மேற்கொண்டனர். இவர்கள் அனைவரும் தொடர்ந்து விளக்கமறியலில் வைக்கப்பட்டுள்ளனர்.
இதில் வழக்கில் இருந்து 3 பேரை விடுவித்ததுடன் 63 பேரில் 47 பேர் பிணையில் வெளிவந்துள்ளதுடன் தொடர்ந்து 16 பேர் விளக்கமறியலில் வைக்கப்பட்டுள்ளனர்.
நீதிமன்ற உத்தரவு
இந்நிலையில் இன்று மட்டக்களப்பு நீதவான் நீதிமன்றத்தில் இந்த வழக்கு
விசாரணைக்கு எடுக்கப்பட்டபோது சிறைச்சாலையில் இருந்து பாதுகாப்புடன்
அழைத்துவரப்பட்ட 16 பேருடன் பிணையில் வெளிவந்த 47 பேரும் முன்னிலையாகியுள்ளனர்.
இதன்போது நீதவான் விளக்கமறியில் தொடர்ந்து இருந்துவரும் 16 பேரையும் எதிர்வரும் 29 ம்திகதிவரை விளக்கமறியில் வைக்குமாறும் பிணையில் வெளிவந்த 47 பேரையும் அடுத்த வருடம் ஜனவரி 31 திகதி நீதிமன்றில் முன்னிலையாகுமாறு உத்தரவிட்டுள்ளார்.
கரவெட்டி கிழக்கு, நெல்லியடி, Scarborough, Canada, Ajax, Canada
01 Oct, 2024
புங்குடுதீவு 6ம் வட்டாரம், சாவகச்சேரி, Mississauga, Canada
30 Oct, 2023
கரம்பன் மேற்கு, கரம்பன், கொழும்பு, சுவிஸ், Switzerland, கொழும்பு சொய்சாபுரம்
01 Nov, 2023
