லங்காசிறி FM
அநுர குமாரவின் இந்திய விஜயம்! சாதகமான செய்திகளுக்காக காத்திருக்கும் அரசாங்கம்
ஜனாதிபதி அநுர குமார திஸாநாயக்கவின்(Anura Kumara Dissanayake) இந்திய விஜயத்தின் பின்னர் இலங்கைக்கு பல சாதகமான செய்திகள் கிடைக்கும் என வெளிவிவகார மற்றும் வெளிநாட்டு வேலைவாய்ப்பு பிரதி அமைச்சர் அருண் ஹேமச்சந்திர (Arun Hemachandra) தெரிவித்துள்ளார்.
உள்ளூர் தொலைக்காட்சி நேர்காணல் ஒன்றின் போது, அவர் இதனை குறிப்பிட்டுள்ளார்.
எதிர்வரும் 15ஆம் திகதி முதல் 17ஆம் திகதி வரை இந்திய அரசாங்கத்தின் அழைப்பை ஏற்று ஜனாதிபதி அநுர குமார திஸாநாயக்க இந்தியா பயணமாகவுள்ளார்.
இந்த நிலையில், ஜனாதிபதியின் குறித்த பயணம் தொடர்பில் தொடர்ந்தும் கருத்துத் தெரிவித்த பிரதி அமைச்சர் அருண் ஹேமச்சந்திர, ஒரு நாடாக, இலங்கைக்கு மிகவும் வலுவான வெளிநாட்டு உறவுகள் தேவை, மேலும் மிகவும் வலுவான இராஜதந்திர சேவையும் இருக்க வேண்டும் என குறிப்பிட்டுள்ளார்.
இராஜதந்திர சேவை
அதன் அடிப்படையில், தமது அரசாங்கம் மிகவும் வலுவான வெளியுறவுக் கொள்கையைக் கொண்டிருக்க வேண்டும் என்று நம்புவதாக அவர் தெரிவித்தார்.
கடந்த காலத்தில், ஒரு நாடாக, இலங்கையிடம் இதே போன்ற விடயம் இருக்கவில்லை, பெரும்பாலான ஆட்சியாளர்கள் வெளிநாட்டு இராஜதந்திர சேவையையும் அதே போல் தேசம் சார்ந்ததாகவோ அல்லது நாட்டை நோக்கியதாகவோ கருதப்பட்ட வெளியுறவுக் கொள்கையையே கொண்டிருந்தனர்.
இந்தியா மிக நெருக்கமான அண்டை நாடாகவும், மிகவும் வலுவான அண்டை நாடாகவும், நெருக்கடியான நேரத்தில் இலங்கைக்கு எந்த நிபந்தனையுமின்றி உதவிய நாடாக இருப்பதால், இந்தியாவுடன் மிக நெருக்கமான உறவைப் பேண வேண்டும். மேலும், இலங்கை மிகவும் வலுவான, அணிசேரா வெளியுறவுக் கொள்கையைக் கொண்டிருக்க வேண்டும் என்றும் பிரதி அமைச்சர் குறிப்பிட்டுள்ளார்.
வெளிநாட்டுப் பயணம்
இந்தியாவின் தேசிய பாதுகாப்பை நாம் கருத்தில் கொள்ள வேண்டும், மிகவும் வலுவான நாடாக இருப்பதால், அவர்கள் அதில் கவனம் செலுத்துகிறார்கள் என்றும் அவர் தெரிவித்துள்ளார்.
ஜனாதிபதியின் முதல் உத்தியோகபூர்வ வெளிநாட்டுப் பயணம் இந்தியாவாவுக்கானதாகும். இதன்போது கையெழுத்திட வேண்டிய பல ஒப்பந்தங்கள் நிலுவையில் உள்ளன. இன்னும் பல ஒப்பந்தங்கள் விவாதிக்கப்பட்டு வருகின்றன. இங்கு எல்லாவற்றையும் பற்றி கருத்து தெரிவிக்க முடியாது.
எனினும் ஜனாதிபதியின் இந்தியப் பயணத்திற்குப் பிறகு நாட்டுக்கு பல சாதகமான செய்திகள் கிடைக்கும் என்று வெளிநாட்டு வேலைவாய்ப்பு பிரதி அமைச்சர் அருண் ஹேமச்சந்திர தெரிவித்துள்ளார்.
நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
2025 ஜனவரி மாத ராசிபலன்: முதல் மாதத்திலேயே அதிர்ஷ்டத்தை அள்ளப்போகும் ராசியினர்... யார் யார்ன்னு தெரியுமா? Manithan
எதிர்பார்த்ததை விட விரைவில்... உலகப் போர் குறித்து வாழும் நாஸ்ட்ராடாமஸ் மீண்டும் தீர்க்கதரிசனம் News Lankasri
கடவுச்சீட்டால் சிக்கல்... விமான நிலையத்தில் முடங்கிய தமிழ் குடும்பம்: பெருந்தொகை இழப்பீடு கேட்டு முறையீடு News Lankasri
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
ஊர்காவற்துறை, பிரித்தானியா, United Kingdom, கனடா, Canada
15 Dec, 2022
புங்குடுதீவு 12ம் வட்டாரம், புங்குடுதீவு 11ம் வட்டாரம், கனடா, Canada
03 Dec, 2014
கந்தரோடை, கரம்பன், யாழ்ப்பாணம், வெள்ளவத்தை, கொழும்பு சொய்சாபுரம்
14 Dec, 2019
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
