சர்வதேச நாணய நிதியத்தின் மேலுமொரு நிபந்தனையை நிறைவேற்றிய இலங்கையின் அமைச்சரவை

International Monetary Fund Dr Wijeyadasa Rajapakshe Ranil Wickremesinghe

By Dev Apr 26, 2024 04:56 PM GMT

Dev

in பொருளாதாரம்

Report

Courtesy: Sivaa Mayuri

சர்வதேச நாணய நிதியத்துக்கு (IMF) வாக்குறுதியளிக்கப்பட்ட சட்டத்துக்கு இலங்கையின் அமைச்சரவை ஒப்புதல் வழங்கியுள்ளது.

குற்றச் செயல்களின் மூலமான வருமானங்களை பறிமுதல் செய்ய அனுமதிக்கும் இந்த சட்ட வரைவை, ஜனாதிபதி ரணில் விக்ரமசிங்க (Ranil Wickramasinghe) மற்றும் நீதியமைச்சர் விஜயதாச ராஜபக்ச (Wijeydasa Rajapaksha) ஆகியோர் கூட்டாக அமைச்சரவையில் சமர்ப்பித்திருந்தனர்.

தமது மூன்றாவது தவணை கடனான 337 மில்லியன் அமெரிக்க டொலர்கள் விடுவிக்கப்படுவதற்கு முன்னர் இந்த சட்டம் நிறைவேற்றப்படவேண்டும் என சர்வதேச நாணய நிதியம் நிபந்தனை விதித்திருந்தது.

குற்றக் கட்டுப்பாடு

இந்த குற்றத்தின் வருவாய் சட்டம், குற்றக் கட்டுப்பாடு, பாதுகாத்தல், கைப்பற்றுதல், பாதுகாப்பு, மேலாண்மை, நீதித்துறை முடக்கம் மற்றும் குற்றத்தின் வருவாயை பறிமுதல் செய்தல் ஆகியவற்றை பரிந்துரைக்கிறது.

another-condition-of-imf-accomplished

குற்றத்தின் வருவாயை தண்டனைக்குப் பின்னர் பறிமுதல் செய்தல் மற்றும் குற்றத்தின் வருவாயை தண்டனையின் அடிப்படையில் பறிமுதல் செய்தல் என்பன இந்த சட்டத்தில் உள்ளடங்குகின்றன.

அத்துடன், குற்றத்தால் பாதிக்கப்பட்டவர்கள் இழப்பீடு பெற அனுமதிக்கும் சிவில் தீர்வுகளையும் இந்த சட்டம் முன்மொழிகிறது.

உத்தேச சட்டத்தின் நோக்கம்

அதேவேளை, கொள்ளை, இலஞ்சம், தரகு அல்லது பிற திருப்திக்காக குற்றச்செயல்கள் மூலம் பெறப்படும் சொத்துக்களை பறிமுதல் செய்வதற்கான சட்டம் இலங்கையில் இதுவரை இல்லை.

another-condition-of-imf-accomplished

இந்நிலையில், அதை சரிசெய்வதே உத்தேச சட்டத்தின் நோக்கமாகும் என்று அமைச்சர் விஜயதாச ராஜபக்ச கூறியுள்ளார்.

இந்த சட்டம் இங்கிலாந்தின் குற்றச்செயல்கள் சட்டத்தில் உள்ள கொள்கைகளை அடிப்படையாகக் கொண்டது.

சட்டம் நடைமுறைப்படுத்தப்பட்டதும், இலஞ்சம் மற்றும் ஊழல், போதைப்பொருள் கடத்தல் போன்ற பெரும் வருமானத்தை ஈட்டும் பிற குற்றங்களின் வருமானத்திற்கும் இந்த சட்டம் பொருந்தும் என்று அமைச்சர் குறிப்பிட்டுள்ளார்.