லங்காசிறி FM
யாழில் 5 ஆண்டுகளில் கண்ணிவெடிகள் முற்றாக அகற்றப்படும்..! இலங்கைக்கான திட்ட முகாமையாளர் அறிவிப்பு
இலங்கை - யாழ்ப்பாணத்தை அடுத்த ஐந்து ஆண்டுகளில் கண்ணிவெடியற்ற மாவட்டமாக மாற்ற முனைப்புடன் ஹலோ ட்ரஸ்ட் நிறுவனம் செயற்பட்டு வருவதாக ஹலோ ட்ரஸ்ட் நிறுவனத்தின் இலங்கைக்கான திட்ட முகாமையாளர் ஹன்னா பிக்டன் (Hannah Picton) தெரிவித்துள்ளார்.
கிளிநொச்சியில் இன்று(09.10.2026) இடம்பெற்ற ஊடக சந்திப்பிலேயே அவர் மேற்கண்டவாறு குறிப்பிட்டுள்ளார்.
அர்ப்பணிப்புடன் செயற்பட்டு வரும் அமைப்புக்கள்
இந்த விடயம் தொடர்பில் அவர் மேலும் தெரிவிக்கையில்,
ஹலோ ட்ரஸ்ட் உலகளவில் 30க்கும் மேற்பட்ட நாடுகளில் மனிதநேயக் கண்ணிவெடி அகற்றும் பணிகளை மேற்கொண்டு வரும் ஒரு உலகளாவிய அமைப்பாகும்.
கடந்த 2002 ஆம் ஆண்டு முதல் இலங்கையில் இயங்கி வரும் இந்த அமைப்பு, கடந்த 2011 ஆம் ஆண்டு முதல் முஹமாலையில் (Muhamalai) 6 சதுர கிலோமீட்டருக்கும் அதிகமான பரப்பளவில் கண்ணிவெடி அகற்றும் பணிகளை மேற்கொண்டு வருகின்றது.
கையால் கண்ணிவெடிகளை அகற்றுபவர்கள் மற்றும் இயந்திரங்கள் மூலம் இப்பணிகள் மேற்கொள்ளப்பட்டு நிலங்கள் பகுதி பகுதியாக கையளிக்கப்பட்டு வருகின்றன.
கடந்த 1996 மற்றும் 2000 ஆம் ஆண்டுகளில் ஏற்பட்ட மோதல்கள் காரணமாக முஹமாலை பகுதியிலிருந்த மக்கள், தங்கள் வீடுகளை விட்டு நீண்டகாலம் இடம்பெயர்ந்து வாழும் நிலை ஏற்பட்டது.
கண்ணிவெடி அகற்றும் பணிகள் நிறைவடைந்ததைத் தொடர்ந்து, இடம்பெயர்ந்த கடைசி சில குடும்பங்களும் மீண்டும் தங்கள் சொந்த நிலங்களுக்குத் திரும்பி மீள்குடியேற முடிந்துள்ளது.
கண்ணிவெடியற்ற பகுதியாக அறிவிப்பு
இலங்கையை அடுத்த 5 ஆண்டுகளுக்குள் கண்ணிவெடி அபாயமற்ற நாடாக மாற்ற அரசுடன் இணைந்து ஹேலோ ட்ரஸ்ட் மற்றும் பிற அமைப்புகள் செயல்பட்டு வருகின்றன.
யாழ்ப்பாண மாவட்டத்தை 2027 ஆம் ஆண்டிற்குள் கண்ணிவெடிகள் அற்ற பகுதியாக அறிவிப்பதே முதன்மை இலக்காகும். இதற்காக முகமாலை மற்றும் கிளிநொச்சி பகுதிகளிலுள்ள நிலங்களை மீட்க முன்னுரிமை அளிக்கப்பட்டு வருகின்றது. நிலப்பரப்புகளைக் ஒப்படைத்த பின்னரும், ஆபத்து விழிப்புணர்வு(Risk Education) கல்வியை மக்களுக்கு வழங்கி வருகின்றனர்.
மேலும், அரசால் வழங்கப்படும் வீட்டு வசதிகள் மற்றும் விவசாய நில மேம்பாடுகளுக்கு உள்ளூர் அமைப்புகளுடன் இணைந்து உதவி வழங்கி வருகின்றனர்.
அமெரிக்கா, கனடா, சுவிட்சர்லாந்து, நார்வே, ஜப்பான் உள்ளிட்ட நன்கொடையாளர்களின் ஆதரவினால் மட்டுமே இந்த திட்டங்கள் சாத்தியமாகியுள்ளன என்றார்.
பல ஆண்டுகளுக்குப் பின் சிம்ம ராசியில் நிகழும் குரு-கேது சேர்க்கை: அதிர்ஷ்டம் பெறப்போகும் ராசிகள்! Manithan
கடும் நஷ்டத்தை நோக்கி ஜேசன் சஞ்சய் இயக்கிய சிக்மா படம்... இதுவரை எவ்வளவு கலெக்ஷன் தெரியுமா? Cineulagam
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
