லங்காசிறி FM
துறைமுக நகர பொருளாதார ஆணைக்குழுவின் செயற்பாடுகளை நீதித்துறை மறு ஆய்வுக்கு உட்படுத்தப்படலாம்!
கொழும்பு துறைமுக நகர பொருளாதார ஆணைக்குழுவின் செயற்பாடுகளை நீதித்துறை மறு ஆய்வுக்கு உட்படுத்தப்படலாம்.
அத்துடன் அதற்கு எதிராக அடிப்படை உரிமைகள் மனுக்களை தாக்கல் செய்யலாம் அல்லது ஏதேனும் இருந்தால் சட்ட நடவடிக்கைகள் எடுக்கலாம் என்று உயர்நீதிமன்றில் தெரிவிக்கப்பட்டுள்ளது.
ஜனாதிபதியின் செயலாளர் பி.பி.ஜயசுந்தர சார்பில் மன்றில் முன்னிலையான சட்டத்தரணி ரொமேஷ் டி சில்வா இதனை குறிப்பிட்டார். ஆணைக்குழு யோசனையில் திருத்தங்களைச் செய்ய பரிந்துரைப்பதாகவும் அவர் தெரிவித்தார்.
இருப்பினும், கொழும்பு துறைமுக நகர ஆணைய யோசனையின் பிரிவு 63 (2) தொடர்பாக மனுதாரர்களால் முக்கிய ஆட்சேபனைகள் தெரிவிக்கப்பட்டதாக பிரதம நீதியரசர் ஜயந்த ஜயசூரிய சுட்டிக்காட்டினார்.
இதன்போது கருத்துரைத்த ரொமேஷ் டி சில்வா, துறைமுக நகர நிலத்தை குத்தகைக்கு விடுவதன் மூலமும் 2023 ஜூன் முதல் 2028 ஜூன் வரையிலான காலப்பகுதியில் நாடு 99% லாபத்தைப் பெறும். இந்த காலத்திற்குப் பிறகு நிலத்தை குத்தகைக்கு விடுவதன் மூலம் அரசாங்கத்துக்கு 100 வீத லாபம் மற்றும் தொகை ஒருங்கிணைந்த நிதிக்கு மாற்றப்படும் என்று கூறினார்.
மொத்த நிலங்களும் கொழும்பு துறைமுக நகர பொருளாதார ஆணையம் மற்றும் ஜனாதிபதியால் நியமிக்கப்பட்ட ஆணைக்குழு உறுப்பினர்களின் எல்லைக்குள் வந்துள்ளன என்றும் அவர் மேலும் தெரிவித்தார்.
எவ்வாறாயினும், ஆணைக்குழுவால் நிர்வகிக்கப்படும் குத்தகைக்கு விடப்பட்ட நிலம் எதிர்காலத்தில் திட்ட நிறுவனத்திடம் ஒப்படைக்கப்படுமா என்று நீதியரசர் முர்டு பெர்னாண்டோ டி சில்வாவிடம் கேள்வி எழுப்பினார்.
நீதியரசர் பெர்னாண்டோ எழுப்பிய கேள்விக்கு பதிலளித்த டி சில்வா, குத்தகை நிபந்தனைகளுடன் இதனை சரிபார்க்கப்பட வேண்டும் என்றும், தற்போது அந்த விஷயத்தில் தம்மால் கருத்து தெரிவிக்க முடியாது என்றும் கூறினார்.
இந்த யோசனையில் நிலம் குறித்த மாகாண சபை அதிகாரம் குறிப்பிடப்படவில்லை. குறித்த நிலம் மேல் மாகாணத்தின் நிர்வாக மாவட்டத்தின் கீழ் வருவதால் அதைக் குறிப்பிட தேவையில்லை என்றும் ரொமேஷ் டி சில்வா வாதிட்டார்.
16 ஆண்டுகால ஐ.நா மைய அரசியல்: பெற்றவை? பெறாதவை...... 7 மணி நேரம் முன்
நந்தினியால் ஜனனிக்கு ஏற்பட்ட பிரச்சனை, ரவுண்டு கட்டிய குணசேகரன் ஆட்கள்.. எதிர்நீச்சல் தொடர்கிறது புரொமோ Cineulagam
சித்திரவதை செய்யப்பட்டு கடலில் தூக்கி எறியப்பட்ட புலம்பெயர்ந்தோர்: அதிரவைக்கும் ஒரு செய்தி News Lankasri
உலகின் சக்தி வாய்ந்த கண்டம் விட்டு கண்டம் பாயும் ஏவுகணைகள் - முதலிடத்தில் உள்ள நாடு எது? News Lankasri
பிரித்தானியாவில் ட்ரம்பின் வரலாற்று சிறப்புமிக்க பயணம்: கேட்டைப் பார்த்து அவர் கூறிய வார்த்தை News Lankasri
7ஆம் அறிவு படத்தில் வில்லனாக நடித்த இந்த நடிகரை நினைவிருக்கிறதா? இப்போது எப்படி இருக்கிறார் தெரியுமா, இதோ பாருங்க Cineulagam
முள்ளியான், துன்னாலை, வல்வெட்டி, துணுக்காய், கொழும்பு, வவுனியா
20 Sep, 2015
கொக்குவில், Muscat, Oman, தாவடி, கொழும்பு, Melbourne, Australia
12 Sep, 2025
