'உன் தந்தையை நான் தான் கொன்றேன்'.. அம்பலாங்கொடை படுகொலையில் திடீர் திருப்பம்!

நேற்றைய தினம், அம்பலாங்கொடையில் இடம்பெற்ற துப்பாக்கிச் சூட்டில் உயிரிழந்தவரின் மகனுக்கு, நான் தான் உன் தந்தையை கொன்றேன் என தெரிவித்து ஒரு தொலைபேசி அழைப்பு வந்ததாக கூறப்படுகின்றது. 

அம்பலாங்கொடையில் நடத்தப்பட்ட குறித்த படுகொலையானது மீட்டியாகொட பகுதியில் முன்னதாக நடந்த ஒரு கொலைக்கு பழிவாங்கும் விதமாக மேற்கொள்ளப்பட்டுள்ளது என பொலிஸார் தெரிவித்ததாக தென்னிலங்கை ஊடகம் ஒன்று செய்தி வெளியிட்டுள்ளது. 

வெளிநாட்டு ஒழுங்கமைக்கப்பட்ட குற்றவாளியும் போதைப்பொருள் கடத்தல்காரருமான கரந்தெனிய சுத்தாவின் மைத்துனர் நேற்று (04) சுட்டுக் கொல்லப்பட்டதாக விசாரணைக் குழுக்கள் தெரிவித்துள்ளதாகத் தெரிவிக்கப்படுகிறது.

வட்டியில்லா கடன் திட்டம் - வெளியான அறிவிப்பு

தொலைபேசி அழைப்பு 

கடந்த உள்ளூராட்சித் தேர்தலுக்கு முன்பு மீட்டியாகொட பகுதியில் மகதும நளின் என்ற கொல்லப்பட்டுள்ளார். அந்த நபரின் மகன் இசுரு என்பவர் வெளிநாட்டில் வசித்து வருவதாக கூறப்படுகின்றது. 

இந்நிலையில், நேற்று அம்பலாங்கொடையில் குறித்த தொழிலதிபர் கொல்லப்பட்ட பிறகு, அவரின் மகனுக்கு இசுரு தொலைபேசி அழைப்பு விடுத்து, "நான் தான் உன் தந்தையைக் கொன்றேன். என் தந்தையின் மரணத்திற்கு நான் பழிவாங்கிவிட்டேன்" என்று கூறியதாகக் தெரிவிக்கப்படுகின்றது.

நேற்று, அம்பலாங்கொடை நகராட்சி மன்றத்திற்கு அருகில் மோட்டார் சைக்கிளில் சென்ற தொழிலதிபரான வர்ஷவிதான மிரந்த என்பவரை காரில் வந்த ஒரு குழு குறிவைத்து துப்பாக்கியால் சுட்டனர். 

இதனை தொடர்ந்து அவர் வைத்தியசாலைக்கு கொண்டு செல்லப்பட்ட நிலையில் உயிரிழந்ததாக தெரிவிக்கப்பட்டது. 

கொள்ளையனின் மோசமான செயலால் பெண்ணுக்கு ஏற்பட்ட பெரும் துயரம்

பழிவாங்கும் செயல்.. 

அவர் ஒரு வங்கியில் இருந்து அம்பலாங்கொடை துறைமுகத்திற்கு மோட்டார் சைக்கிளில் சென்று கொண்டிருந்தபோது சுட்டுக் கொல்லப்பட்டதாக பொலிஸார் தெரிவித்தனர். விசாரணைகளில் பாதிக்கப்பட்டவர் 9 மிமீ துப்பாக்கியால் சுடப்பட்டதாகவும், அவரது கழுத்து, முகம் மற்றும் மார்பில் சுடப்பட்டதாகவும் தெரியவந்தது.

உயிரிழந்தவர், அம்பலாங்கொடை மோதர தேவாலாவின் குழுவின் தலைவராகவும், அம்பலாங்கொடை நகராட்சி மன்றத் தேர்தலுக்கான ஐக்கிய மக்கள் சக்தி பட்டியலில் வேட்பாளராகவும் இருந்துள்ளார். அவர் இந்த முறை அம்பலாங்கொடை கூட்டுறவு பொதுச் சபையின் இயக்குநர்கள் குழுவிலும் உள்ளார்.

இந்நிலையில் பொலிஸாரின் கூற்றுப்படி, அவர் பாதாள உலக கும்பலை சேர்ந்த கரந்தெனிய சுத்தாவின் மூத்த சகோதரியின் கணவர் எனவும் அண்மையில் குற்றவியல் புலனாய்வுத் துறையால் பணமோசடிக்காக கைது செய்யப்பட்ட கபு தலைமையிலான மோதர தேவாலாய குழுவின் தலைவராகவும் பணியாற்றியுள்ளார்.

அதன்படி, குறிப்பிட்ட கபு, போதைப்பொருள் கடத்தல்காரரான லொக்கு பெட்டி பேட்டியின் கூட்டாளி என்றும், லொக்கு பெட்டியின் ரூபா 330 மில்லியன் பணமோசடி நடவடிக்கை தொடர்பாக கொலை செய்யப்பட்ட இந்த தொழிலதிபரின் சந்தேகத்தின் பேரில் இந்தக் குற்றம் செய்யப்பட்டதா என்பதைத் தீர்மானிக்க நீண்ட விசாரணை நடைபெற்று வருவதாகவும் பொலிஸார் தெரிவித்துள்ளனர்.

துப்பாக்கிச் சூடு நடந்த நேரத்தில், அம்பலாங்கொடை நகரசபை அமர்வு, நூலகக் கட்டிடத்தின் மேல் தளத்தில் உள்ள கேட்போர் கூடத்தில் நடைபெற்றுக் கொண்டிருந்துள்ளது. 

அதன் போது பாதுகாப்பில் இருந்த வந்த பொலிஸ் அதிகாரிகள் துப்பாக்கிச் சூடு சத்தம் கேட்டவுடன் சபைக்குள் துப்பாக்கிச் சூடு நடந்ததாக சந்தேகம் எழுந்ததால் உடனடியாக மேல் மாடிக்கு விரைந்துள்ளனர். 

அந்த நேரத்தில், சபையின் பாதுகாப்பைக் கருத்தில் கொண்டு பீதி மற்றும் பயம் காரணமாக அம்பலாங்கொடை நகரசபைக் கூட்டத்தை நிறுத்த தலைவர் நடவடிக்கை எடுத்ததாகவும் தெரிவிக்கப்படுகின்றது. 

மேற்கு கடற்கரையில் ஒதுங்கிய மர்ம பொதி.. தீவிர விசாரணையில் STF அதிகாரிகள்

you may like this