லங்காசிறி FM
சிரிய தலைநகர் டமாஸ்கஸில் மதுபானத்திற்குத் தடை
சிரியாவின் தலைநகரான டமாஸ்கஸில் (Damascus) மதுபானம் விற்பனை செய்வதற்கும் பருகுவதற்கும் அந்நாட்டு அதிகாரிகள் முழுமையான தடை விதித்துள்ளனர்.
ஈரான் போர் மற்றும் பிராந்தியத்தில் நிலவும் பதற்றமான சூழலைக் காரணம் காட்டி இந்த உத்தரவு பிறப்பிக்கப்பட்டுள்ளது.
டமாஸ்கஸில் உள்ள அனைத்து உணவகங்கள், மதுபான விடுதிகள் மற்றும் பொது இடங்களில் இந்தத் தடை உடனடியாக அமுலுக்கு வருவதாக சிரிய உள்துறை அமைச்சகம் அறிவித்துள்ளது.
கட்டுப்பாடுகள்
பொது ஒழுக்கத்தைப் பேணவும், தற்போதைய நெருக்கடி நிலையில் சமூக ஒழுக்கத்தை உறுதிப்படுத்தவும் இந்த நடவடிக்கை எடுக்கப்பட்டுள்ளதாக அரசுத் தரப்பில் விளக்கமளிக்கப்பட்டுள்ளது.
பல தசாப்தங்களாக ஓரளவு மதச்சார்பற்ற மற்றும் தாராளமயமான கலாச்சாரத்தைக் கொண்டிருந்த டமாஸ்கஸில், இத்தகைய திடீர் கட்டுப்பாடு விதிக்கப்பட்டது.பொதுமக்களிடையே பெரும் அதிர்ச்சியை ஏற்படுத்தியுள்ளது.
குறிப்பாக, சுற்றுலா மற்றும் விருந்தோம்பல் துறையைச் சார்ந்த வணிகர்கள் இந்த முடிவால் பெரும் பொருளாதார இழப்பைச் சந்திக்க நேரிடும் என கவலை தெரிவித்துள்ளனர்.
போரின் தாக்கம் காரணமாக சிரியாவின் பொருளாதாரம் ஏற்கனவே கடும் வீழ்ச்சியைச் சந்தித்துள்ள நிலையில், அரசின் இந்த மத ரீதியான அல்லது கலாச்சார ரீதியான கட்டுப்பாடுகள் சமூகத்தில் புதிய விவாதங்களை உருவாக்கியுள்ளன.
