லங்காசிறி FM
மீண்டும் நடைமுறைக்கு வரும் ஆபிரிக்க- ஆசிய கிண்ணப் போட்டிகள்
Sivaa Mayuri
in கிரிக்கெட்
சுமார் 17 ஆண்டுகளுக்கு பின்னர், மீண்டும் ஆப்பிரிக்க - ஆசிய கிண்ண கிரிக்கெட் தொடருக்கான(Asia -Africa cricket league) முதற்கட்ட நடவடிக்கைகள் ஆரம்பிக்கப்பட்டுள்ளன.
ஆப்பிரிக்க கிரிக்கெட் அமைப்பின் தலைவரும், சிம்பாப்வே கிரிக்கெட் சபையின் தலைவருமான டாவெங்வா முக்லானி(Tavengwa Mukuhlani) இதனை ஊடகங்களிடம் தெரிவித்துள்ளார்.
ஆப்பிரிக்க - ஆசிய கிண்ணப்போட்டிகள், கிரிக்கெட்டுக்கு நன்மை செய்வது மட்டுமின்றி, ஆப்பிரிக்க கிரிக்கெட் அமைப்புக்கு தேவையான நிதியையும் பெற்றுத் தரும் என்று அவர் இதன்போது குறிப்பிட்டுள்ளார்.
ஆசிய கிரிக்கெட் சபை
இந்த விடயத்தில் தாம், ஆசிய கிரிக்கெட் சபையின் அதிகாரிகளுடன் பேச்சு நடத்தியுள்ளதாக அவர் தெரிவித்துள்ளார்.
இதுவரை இரண்டு முறை மட்டுமே ஆப்பிரிக்க - ஆசிய கிண்ணக் கிரிக்கெட் தொடர் நடைபெற்றுள்ளது. முதல் முறையாக 2005 ஆம் ஆண்டு தென்னாப்பிரிக்காவில் இந்த போட்டி தொடர் நடைபெற்றது.
அடுத்து 2007 இல் இந்தியாவில் இந்தப் போட்டித் தொடர் நடைபெற்றது. இந்த இரண்டு முறைகளிலும்,ஆசிய அணியில் இந்தியா மற்றும் பாகிஸ்தான் வீரர்கள் இணைந்து விளையாடியிருந்தனர்.
ஆப்பிரிக்க - ஆசிய கிண்ணப்போட்டி
எனவே, மீண்டும் ஆப்பிரிக்க - ஆசிய கிண்ணப்போட்டிகள் நடத்தப்பட்டால் அதில் இந்தியா மற்றும் பாகிஸ்தான் வீரர்கள் ஒரே அணியில் இடம்பெறும் வாய்ப்பு ஏற்படும் என்று எதிர்பார்க்கப்படுகிறது.
2005 இன் ஆப்பிரிக்க - ஆசிய கிண்ண போட்டிகளின்போது, ஆசிய அணியில் பாகிஸ்தானின் இன்சமாம் உல் ஹக் தலைமையில் குமார் சங்ககார, விரேந்தர் சேவாக், சாகீர் கான் அனில் கும்ப்ளே, சோயப் அக்தர், சஹித் அப்ரிடி ஆகியோர் விளையாடினர்.
2007 இல் நடந்த ஆப்பிரிக்க - ஆசிய கிண்ணப் போட்டிக்கான ஆசிய அணியில் மஹேல ஜெயவர்த்தன தலைமையில், வீரேந்தர் சேவாக், சனத் ஜெயசூர்ய, யுவராஜ் சிங், ஹர்பஜன் சிங், மஹேந்திரசிங் தோனி ஆகியோர் பங்கேற்றனர்.
| மேலும் கிரிக்கெட் உள்ளிட்ட விளையாட்டு செய்திகளை பார்வையிட நமது WHATSAPP குழுவில் இணையுங்கள் JOIN NOW |
கடைசி நேரத்தில் தேர்தலில் நடந்த மாற்றம், வெற்றியை தட்டித் தூக்கிய மீனா... சிறகடிக்க ஆசை சூப்பர் எபிசோட் Cineulagam
கப்பல்களுக்கு சுங்கக் கட்டணம் வசூலிக்கும் ஈரான்... இந்தியாவிடமிருந்து எவ்வளவு வசூலிக்கிறது? News Lankasri
மாகாபா, புகழ், கானா வினோத் மீது போலீஸில் புகார் அளித்த Watermelon திவாகர்... ரகளையான CWC செட் Cineulagam
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
