லங்காசிறி FM
தமிழக அரசியலில் அடுத்த பரபரப்பு: 36 அதிமுக எம்.எல்.ஏ.க்கள் தீவிர ஆலோசனை..! தலைகீழாக மாறுமா விஜயின் நிலைமை
அதிமுக மூத்த தலைவர் சி.வி.சண்முகம் இல்லத்தில் சுமார் 36 அதிமுக எம்.எல்.ஏ.க்கள் ஆலோசனை நடத்தி வருவதாக தெரியவருகிறது.
இரண்டாம் இணைப்பு
அதிமுக மூத்த தலைவர் சி.வி.சண்முகம் இல்லத்தில் தீவிர ஆலோசனை நடத்தப்பட்டு வருவதாக தற்போது தெரியவந்துள்ளது.
எஸ்.பி.வேலுமணி, விஜயபாஸ்கர் உள்ளிட்டோர் இந்த கூட்டத்தில் கலந்து கொண்டுள்ளதாகவும் தெரியவருகிறது.
இதேவேளை இன்று காலை எடப்பாடி பழனிசாமியின் இல்லத்தில் இன்று காலை முக்கிய கூட்டம் இடம்பெற்றிருந்தமையும் குறிப்பிடத்தக்கது.
முதலாம் இணைப்பு
தமிழக அரசியலில் அடுத்த பரபரப்பாக அ.தி.மு.க. எம்.எல்.ஏ.க்கள் சிலர் த.வெ.க.வுக்கு ஆதரவு தெரிவிக்க உள்ளதாக தகவல்கள் வெளியாகியுள்ளன.
சி.வி.சண்முகம் தலைமையில் எஸ்.பி.வேலுமணி, விஜயபாஸ்கர் உள்ளிட்ட அ.தி.மு.க. நிர்வாகிகள் இன்னும் சில நேரங்களில் த.வெ.க. தலைவர் விஜயை சந்தித்து ஆதரவு தெரிவிக்க உள்ளதாக தகவல் வெளியாகி உள்ளது.
எதிர்பாராத திருப்பம்
இதனால் தமிழக அரசியலில் யாரும் எதிர்பாராத திருப்பமாக இது அமையும் என அரசியல் விமர்சகர்கள் கருதுகின்றனர்.
என்ற போதும் இது தொடர்பான உத்தியோகபூர்வ தகவல்கள் எதுவும் இதுவரை வெளிவரவில்லை.
தமிழ்நாட்டில் ஆட்சி அமைப்பதற்காக தமிழக வெற்றிக்கழகம் பெரும்பான்மையை பெறுவதற்காக முயற்சி மேற்கொண்டது.
ஆதரவு
அதன்படி, காங்கிரஸ், இடதுசாரி கட்சிகள் ஆதரவை தொடர்ந்து விடுதலை சிறுத்தைகள் கட்சியும் நிபந்தனையற்ற ஆதரவு அளிக்க உள்ளதாகவும் அக்கடிதத்தை த.வெ.க. நிர்வாகி ஆதவ் அர்ஜூனா பெற்றுள்ளதாகவும் தகவல் வெளியாகி உள்ளது.
இதனிடையே, த.வெ.க. தலைவர் விஜய் நிர்வாகிகளுடன் ஆலோசனை நடத்தி வந்த நிலையில், நீலாங்கரையில் இருந்து புறப்பட்டு பட்டினம்பாக்கத்தில் உள்ள இல்லத்திற்கு வருகை தந்துள்ளது.
அங்கு வைத்து முக்கிய நிர்வாகிகளுடன் விஜய் ஆலோசனை நடத்த உள்ளதாக கூறப்படுகின்றமை குறிப்பிடத்தக்கது.
உசன், முரசுமோட்டை, Urumpirai, பிரித்தானியா, United Kingdom
15 Aug, 2026
கல்வியங்காடு, கட்டப்பிராய், மதுரை, தமிழ்நாடு, India, Gants Hill, United Kingdom
07 Aug, 2026
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
புங்குடுதீவு 3ம் வட்டாரம், வட்டக்கச்சி இராமநாதபுரம், வைரவபுளியங்குளம்
18 Jul, 2026
