லங்காசிறி FM
வாகன உரிமையாளர்களுக்கு விடுக்கப்பட்டுள்ள எச்சரிக்கை
சுற்றுச்சூழலுக்கு தீங்கை ஏற்படுத்தக்கூடிய புகையை வெளியிடும் சுமார் 93 வகையான வாகனங்கள் கறுப்பு பட்டியலில் சேர்க்கப்பட்டுள்ளதாக வாகன புகை பரிசோதனை நிறுவணமான வி.டி.இ (Vehicular Emission Test Trust Fund) தெரிவித்துள்ளது.
பொதுமக்களிடம் இருந்து கிடைக்கப்பெற்ற முறைப்பாடுகளுக்கு அமைய குறித்த வாகனங்கள் கறுப்புப் பட்டியலில் சேர்க்கப்பட்டுள்ளதாக அதன் பணிப்பாளர் தசுன் கமகே தெரிவித்துள்ளார்.
தீங்கு விளைவிக்கும் புகையை வெளியேற்றும் வகையில் வீதியில் வாகனங்கள் ஓடினால், 070 3500 525 என்ற வாட்ஸ்அப் எண்ணுக்கு புகைப்படம் அல்லது காணொளி அனுப்பி விவரங்களைத் தெரிவிக்குமாறு மோட்டார் போக்குவரத்துத் துறை பொதுமக்களை கேட்டுக்கொண்டுள்ளது.
மக்களின் பங்களிப்பு
மக்களின் பங்களிப்பை உறுதி செய்வதற்காக மோட்டார் போக்குவரத்துத் துறை குறித்த வாட்ஸ்அப் தொலைபேசி எண்ணை அறிமுகப்படுத்தியுள்ளது.
அதிக புகையை வெளியேற்றும் வாகனத்தை ஓட்டினால், இடம், நேரம், திகதி, வாகன எண் ஆகியவற்றை குறிப்பிட்டு புகைப்படம் அல்லது காணொளியை வாட்ஸ்அப் எண்ணுக்கு அனுப்பவும் என தெரிவிக்கப்பட்டுளளது.
பின்னர் சம்பந்தப்பட்ட வாகன உரிமையாளர்களுக்கு வாகனத்தை மோட்டார் போக்குவரத்து துறையின் மாவட்ட அலுவலகத்திற்கு கொண்டு வந்து காண்பிக்குமாறு அழைப்பு விடுக்கப்பட்டுள்ளது.
அங்கும் பதில் வரவில்லை என்றால் அந்த வாகனம் கறுப்பு பட்டியலில் சேர்க்கப்படும் என்றும், கடந்த ஆண்டு சுமார் 1800 முறைப்பாடுகள் கிடைத்துள்ளன எனவும் திணைக்களம் அறிவித்துள்ளது.
சுமார் 200 பேர் அழைக்கப்பட்டு இறுதியாக தடுப்புப்பட்டியலில் சேர்க்கப்பட்டனர். இந்த ஆண்டு, 517 தகவல்கள் பெறப்பட்டுள்ளன, அவற்றில் 93 தடுப்புப்பட்டியலில் சேர்க்கப்பட்டுள்ளன என திணைக்களம் சுட்டிக்காட்டியுள்ளது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
