சுற்றுலாப் பயணிகளின் வருகையில் சிறிதளவு வீழ்ச்சி

Sri Lanka Tourism Sri Lanka Tourism

By Aanadhi Oct 05, 2026 08:43 AM GMT

Aanadhi

in சுற்றுலா

Report

இலங்கைக்கு வருகை தந்த வெளிநாட்டு சுற்றுலாப் பயணிகளின் எண்ணிக்கையில் செப்டெம்பர் மாதம் சிறிய அளவிலான வீழ்ச்சி பதிவாகியுள்ளதாக சுற்றுலா அபிவிருத்தி சபை தெரிவித்துள்ளது.

வெளியிடப்பட்டுள்ள அறிக்கையின்படி செப்டெம்பர் மாதத்தில் சர்வதேச சுற்றுலாப் பயணிகள் மொத்தம் 158,557 பேர் வருகை தந்துள்ளதோடு, இது 2025 செப்டம்பர் மாதத்துடன் ஒப்பிடுகையில் 0.26% வீழ்ச்சியை காட்டுவதாக சுட்டிக்காட்டியுள்ளது.

சுற்றுலா அபிவிருத்தி சபையின் தகவல்களுக்கு அமைவாக, கடந்த மாதம் இந்தியாவிலிருந்து அதிகளவான சுற்றுலாப் பயணிகள் வருகை தந்துள்ளதாகவும் அவ்வாறு வருகை தந்த சுற்றுலாப் பயணிகள் 51,931 பயணிகள் எனவும், இது செப்டெம்பர் மாதத்தில் வருகை தந்த மொத்த சுற்றுலாப் பயணிகளின் எண்ணிக்கையில் 32% எனவும் மதிப்பிடப்பட்டுள்ளது.

நாட்டுக்கு வருகை தந்த மொத்த சுற்றுலாப் பயணிகளின் எண்ணிக்கை

சீனாவிலிருந்து 11,722 சுற்றுலாப் பயணிகள் கடந்த மாதம் இலங்கைக்கு வருகை தந்துள்ள நிலையில், அவர்களின் எண்ணிக்கை இரண்டாவது இடத்தைப் பிடித்துள்ளது.

சுற்றுலாப் பயணிகளின் வருகையில் சிறிதளவு வீழ்ச்சி | A Slight Decline In Tourist Arrivals

அதற்கடுத்த எண்ணிக்கையில், அவுஸ்திரேலியாவிலிருந்து 10,951 சுற்றுலாப் பயணிகளும், பிரித்தானியாவிலிருந்து 10,738 சுற்றுலாப் பயணிகளும், ஜேர்மனியிலிருந்து 7,277 சுற்றுலாப் பயணிகளும் இலங்கைக்கு வருகை தந்துள்ளனர்.

அதேவேளை, ஜனவரி மாதம் முதலாம் திகதி முதல் செப்டெம்பர் 30 ஆம் திகதி வரை நாட்டுக்கு வருகை தந்த மொத்த சுற்றுலாப் பயணிகளின் எண்ணிக்கை 1,693,679 ஐ எட்டியுள்ளதாக சுற்றுலா அபிவிருத்தி சபை தெரிவித்துள்ளது.