லங்காசிறி FM
திருகோணமலையில் 571 பேருக்கான காணி அனுமதிப்பத்திரம் வழங்கிவைப்பு
திருகோணமலை - குச்சவெளி(Trincomalee - Kuchchaveli) பிரதேச செயலாளர் பிரிவில் காணி பத்திரங்கள் இல்லாத 571 பேருக்கான காணி ஆவணங்கள் கையளிக்கும் நிகழ்வு கிழக்கு மாகாண ஆளுநர் செந்தில் தொண்டமானின்(Senthil Thondaman) பங்களிப்போடு இடம்பெற்றுள்ளது.
குச்சவெளி விவேகானந்தா மகா வித்தியாலயத்தில் இன்று (6) குறித்த நிகழ்வு இடம்பெற்றுள்ளது.
காலை குச்சவெளி பிரதேச செயலாளர் கே.குணநாதன் தலைமையில் இடம்பெற்ற குறித்த நிகழ்வில் அதிதிகளாக கலந்து கொண்ட கிழக்கு மாகாண ஆளுநர் செந்தில் தொண்டமான் மற்றும் நாடாளுமன்ற உறுப்பினர் ஏ.எல்.எம்.அதாவுல்லா ஆகியோரினால் குறித்த ஆவணங்கள் மக்களிடம் கையளிக்கப்பட்டுள்ளன.
இலத்திரனியல் அனுமதிப்பத்திர அடையாள அட்டை
குறித்த பத்திரங்கள் வழங்கும் நிகழ்வில் 435 பேருக்கு காணி அனுமதிப் பத்திரங்களும் (பேமிட்), 136 பேருக்கு அளிப்பு பத்திரங்களும் (கிரான்ட்) வழங்கி வைக்கப்பட்டுள்ளன.
இதன்போது முதன்முறையாக இலத்திரனியல் அனுமதிப்பத்திர அடையாள அட்டையும் இன்று அறிமுகம் செய்து வைக்கப்பட்டுள்ளது.
குறித்த அட்டையானது அனுமதிப்பத்திரம் வழங்கப்பட்ட காணிகளின் உரிமையாளரின் விபரம், காணி அனுமதிப்பத்திர இலக்கம், காணியின் அமைவிடம், காணியின் எல்லைகள் மற்றும் காணி தொடர்பான ஆவணங்கள் என்பவற்றையும், நிற்கும் இடத்தில் இருந்து காணியை சென்றடைவதற்கான பாதை விபரங்களையும் உள்ளடக்கியதாக இந்த இலத்திரணியல் அனுமதிப்பத்திர அடையாள காணப்படுவதாகவும், காணிப் பிணக்குகளை ஆராந்து விரைவான தீர்வினை வழங்குவதற்காக இந்த இலத்திரணியல் அனுமதிப்பத்திர அடையாள அட்டையை (epic) முதன்முறையாக அறிமுகம் செய்துள்ளதாக பிரதேச செயலாளர் கே.குணநாதன் தெரிவித்துள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
ஊர்காவற்துறை, பிரித்தானியா, United Kingdom, கனடா, Canada
15 Dec, 2022
புங்குடுதீவு 12ம் வட்டாரம், புங்குடுதீவு 11ம் வட்டாரம், கனடா, Canada
03 Dec, 2014
கந்தரோடை, கரம்பன், யாழ்ப்பாணம், வெள்ளவத்தை, கொழும்பு சொய்சாபுரம்
14 Dec, 2019
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
