காணாமல்போன குடாவெல்ல கடற்றொழிலாளர்கள் 4 பேரும் மீட்பு!

Galle Fishing Sri Lanka Fisherman

By Laksi Nov 01, 2026 01:09 PM GMT

Laksi

in சமூகம்

Report

காலி - குடாவெல்ல பகுதியிலிருந்து கடலுக்கு சென்றிருந்த நிலையில், காணாமல்போயிருந்த நான்கு கடற்றொழிலாளர்களும் இன்று(01.11.2026) கண்டுபிடிக்கப்பட்டுள்ளதாக கடற்றொழில் மற்றும் நீரியல் வளங்கள் அமைச்சு தெரிவித்துள்ளது.

பொத்துவில் கரையில் இருந்து சுமார் 200 கடல் மைல் தொலைவில் பாதுகாப்பாக மீட்கப்பட்டுள்ளனர்.

நான்கு நாள் கடற்றொழில் பயணத்தை மேற்கொண்டு, கடந்த ஒக்டோபர் 21 ஆம் திகதி குடாவெல்ல மீன்பிடித் துறைமுகத்திலிருந்து குறித்த நால்வரும் கடலுக்குச் சென்றிருந்த நிலையில் 'அர்னாப்' சூறாவளி காரணமாக ஏற்பட்ட சீற்றமான கடல் நிலைமை மற்றும் பலத்த காற்று காரணமாக, படகுக்கும் தரைக்குமான அனைத்து தொடர்பாடல் இணைப்புகளும் துண்டிக்கப்பட்டிருந்தன.

கூட்டு நடவடிக்கை

படகு பற்றிய தகவல்கள் கிடைக்காத நிலையில், கடற்றொழில் திணைக்களத்தின் தேடல் மற்றும் மீட்பு ஒருங்கிணைப்பு மையத்திற்கு இது குறித்து அறிவிக்கப்பட்டது.

காணாமல்போன குடாவெல்ல கடற்றொழிலாளர்கள் 4 பேரும் மீட்பு! | 4 Missing Kudawella Fishermen Rescued Safely

இதனைத் தொடர்ந்து, அமைச்சின் நேரடித் தலையீட்டின் பேரில் இலங்கை கடற்படை, கடலோர காவல் படை மற்றும் அந்தப் பகுதியில் பயணித்த ஏனைய மீன்பிடிப் படகுகளை ஒருங்கிணைத்து விசேட கூட்டுத் தேடுதல் நடவடிக்கை மேற்கொள்ளப்பட்டது.இந்தக் கூட்டு நடவடிக்கையின் பலனாக, குறித்த படகு கண்டுபிடிக்கப்பட்டது.

படகிலிருந்த நான்கு கடற்றொழிலாளர்களும் நல்ல ஆரோக்கியத்துடன் இருப்பதுடன், தற்போது அவர்களைப் பாதுகாப்பாகக் கரைக்கு அழைத்து வருவதற்கான நடவடிக்கைகள் முன்னெடுக்கப்பட்டு வருகின்றன.