லங்காசிறி FM
இலங்கையின் முக்கிய துறையில் இடம்பெற்றுள்ள 31 பில்லியன் ஊழல்! நாடாளுமன்றக்குழு கடும் அதிருப்தி
இலங்கை மின்சார சபைக்கு 31 பில்லியன் ரூபா செலவில் இயங்காத 50 ஜெனரேட்டர்களை கொள்வனவு செய்ததில் இடம்பெற்றதாகக் கூறப்படும் ஊழல் தொடர்பில் பொது நிறுவனங்கள் தொடர்பான நாடாளுமன்றக் குழு (கோப்) அதிருப்தி தெரிவித்துள்ளது.
கோப் குழுவின் கூற்றுப்படி, இந்த 50 செயல்படாத ஜெனரேட்டர்கள் 2018 மற்றும் 2019 க்கு இடையில் வாங்கப்பட்டுள்ளதாகவும் தெரிவிக்கப்பட்டுள்ளது.
இலங்கை மின்சார சபையின் 2017 மற்றும் 2018 ஆம் ஆண்டுகளுக்கான கணக்காய்வாளர் அறிக்கைகளை ஆராயும் போது இது தெரியவந்துள்ளதாக, பொது நிறுவனங்கள் தொடர்பான குழுவின் தலைவர் பேராசிரியர் சரித ஹேரத் தலைமையில் கடந்த 10 ஆம் திகதி நாடாளுமன்ற கட்டடத் தொகுதியில் நடைபெற்ற கூட்டத்தில் இந்தத் தகவல் வெளியிடப்பட்டுள்ளது.
தர ஆய்வு பரிசோதனை
குறித்த நிறுவனத்தினால் கொள்வனவு செய்யப்பட்ட ஜெனரேட்டர்கள் வாங்கும் போது இயங்கும் நிலையில் இல்லை எனவும் நாடாளுமன்றக் குழு சுட்டிக்காட்டியுள்ளது.
எனவே, இந்த கொள்முதல்கள் குறித்தும், அவற்றுக்கான விலை குறித்தும் தர ஆய்வு நடத்தப்பட்டுள்ளதா என, மின் வாரிய அதிகாரிகளிடம் வினவியுள்ளனர்.
இலங்கை மின்சார சபையின் பிரதானிகளுக்கு விடுக்கப்பட்டுள்ள பணிப்புரை
மேலும், இந்தக் கொள்வனவுகளில் அதிகாரிகளால் சரிபார்க்கப்பட வேண்டியதன் முக்கியத்துவத்தையும் வாரியத் தலைவர்கள் சுட்டிக்காட்டியுள்ளனர்.இருப்பினும், இந்த ஜெனரேட்டர்கள் இன்றும் செயல்படுவதாகவும் அவர்கள் குறிப்பிட்டனர்.
இந்த இயந்திரங்கள் அதிக செலவு செய்து பழுதுபார்த்து தற்போது இயங்கி வரும் நிலையில், செயல்படாத இயந்திரங்கள் எதற்காக வாங்கப்பட்டன என்பது குறித்து முறையான விசாரணை நடத்தப்பட வேண்டும் எனவும் உறுப்பினர்கள் சுட்டிக்காட்டியுள்ளனர்.
இரண்டு வாரங்களுக்குள் இது தொடர்பான அறிக்கையை கணக்காய்வாளர் திணைக்களத்திற்கு சமர்ப்பிக்குமாறு கோப் தலைவர் இலங்கை மின்சார சபையின் பிரதானிகளுக்கு பரிந்துரைத்துள்ளார்.
யாழ்ப்பாணம், கொக்குவில், Frankfurt, Germany, Toronto, Canada
22 Sep, 2025
மாவிட்டபுரம், யாழ். அத்தியடி, உரும்பிராய், திருகோணமலை, Milton, Canada
21 Sep, 2025
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
