லங்காசிறி FM
அநுரவின் தீர்மானத்திற்கு எதிராக அதிரடியாக களமிறங்கிய எதிர்க்கட்சிகள்
நீதியரசர்களின் ஓய்வு பெறும் வயதை நீட்டிப்பதற்காக முன்மொழியப்பட்ட சட்டமூலத்திற்கு எதிராக அடுத்த வாரம் சட்ட நடவடிக்கை எடுக்கப்படும் என்று முன்னாள் அமைச்சர் ஜி.எல். பீரிஸ் தெரிவித்துள்ளார்.
இன்று காலை (12.08.2026) ஊடகங்களிடம் கருத்து தெரிவிக்கும் போதே அவர் இதனை குறிப்பிட்டுள்ளார்.
நீதியரசர்களின் ஓய்வு பெறும் வயதை நீட்டிப்பது குறித்த அரசாங்கத்தின் முன்மொழிவு பற்றி பிரித்தானிய உயர் ஆணையருக்குத் தெரிவிக்க, கூட்டு எதிர்க்கட்சியின் பிரதிநிதிகள் நடவடிக்கை எடுத்திருந்தனர்.
நிலுவையிலுள்ள வழக்குகள்..
இந்த சந்திப்பின் பின்னர், ஊடகங்களிடம் பேசிய ஜி.எல். பீரிஸ், "நாங்கள் அடுத்த வாரம் நீதிமன்றத்திற்குச் செல்வோம். இந்தப் பணியால் தேங்கியுள்ள வழக்குகளின் தேக்கத்தை இது தீர்க்காது என்பதை உயர் நீதிமன்றத்திற்கு எவ்வித சந்தேகமுமின்றிப் புரிய வைப்போம்.
மொத்த வழக்குகளில் 1 சதவீதம் மட்டுமே உயர் நீதிமன்றத்திலும் மேல்முறையீட்டு நீதிமன்றத்திலும் உள்ளன. நாங்கள் இந்த நாட்டிற்கான பிரித்தாினிய உயர் ஆணையர் ஆண்ட்ரூ பேட்ரிக்கை சந்தித்தோம்.
இலங்கை நீதித்துறைக்கும் பிரித்தாினிய பொதுநலவாயத்திற்கும் இடையே மிக நீண்ட மற்றும் ஆழமான உறவு இருந்து வருகிறது. இன்று எங்கள் நாட்டில் நடப்பவற்றை எங்களால் நம்ப முடியவில்லை என்று அவரிடம் கூறினோம்.
சட்டத்தீர்வையாளர் சங்கம் ஜனாதிபதியைச் சந்திப்பது பயனற்றது. எல்லாம் முடிந்த பின்னரே அவர்கள் ஒரு சந்திப்பை ஏற்பாடு செய்துள்ளனர்" என்று குறிப்பிட்டார்.
கோப்பாய், Sudbury Hill, United Kingdom, Ealing, United Kingdom
27 Jul, 2026
