லங்காசிறி FM
மெட்டாவின் மெத்தனப்போக்கு: பிரித்தானியாவில் சட்டவிரோத நிதி விளம்பரங்கள் அம்பலம்
பிரித்தானியாவில் சட்டவிரோத நிதி விளம்பரங்களைத் தடுப்பதாக உறுதியளித்த மெட்டா (Meta) நிறுவனம், அந்த உறுதிமொழியை நிறைவேற்றத் தவறியுள்ளதாக தெரிவிக்கப்படுகின்றது.
ஃபேஸ்புக் மற்றும் இன்ஸ்டாகிராம் தளங்களின் உரிமையாளரான மெட்டா நிறுவனம், பிரித்தானியாவில் அதிக அபாயம் கொண்ட நிதித் தயாரிப்புகள் தொடர்பான சட்டவிரோத விளம்பரங்களைத் தடுப்பதாகக் கடந்த காலங்களில் உறுதியளித்திருந்தது.
இருப்பினும், அந்நாட்டின் நிதி ஒழுங்குமுறை ஆணையமான FCA நடத்திய ஆய்வில், நவம்பர் மாதத்தின் ஒரு வாரத்தில் மட்டும் சுமார் 1,052 அங்கீகரிக்கப்படாத நிதி விளம்பரங்கள் மெட்டா தளங்களில் பதிவிடப்பட்டது கண்டறியப்பட்டுள்ளது.
நிதி மோசடி
இதில் அதிர்ச்சியூட்டும் விஷயம் என்னவென்றால், இந்த விளம்பரங்களில் 56% ஏற்கனவே FCA அமைப்பால் "சந்தேகத்திற்குரியவை" என்று மெட்டாவிடம் அடையாளப்படுத்தப்பட்ட விளம்பரதாரர்களிடம் இருந்தே வந்துள்ளன.
பிரித்தானியாவில் நடைபெறும் குற்றங்களில் நிதி மோசடி (Fraud) மிக முக்கியமானதாக உள்ள நிலையில், மெட்டா போன்ற சமூக ஊடகத் தளங்கள் போதிய பாதுகாப்பு நடவடிக்கைகளை எடுக்கவில்லை என ஒழுங்குமுறை ஆணையம் குற்றம் சாட்டியுள்ளது.
குற்றச்சாட்டுகள்
ரொய்ட்டர்ஸ் நிறுவனம் ஏற்கனவே வெளியிட்ட புலனாய்வுச் செய்திகளின்படி, மெட்டா நிறுவனம் இத்தகைய மோசடி விளம்பரங்கள் மூலம் ஆண்டுக்கு பில்லியன் கணக்கான டொலர்களை வருமானமாக ஈட்டுவதாகவும், தனது வருவாய் பாதிக்கும் என்பதால் இத்தகைய விளம்பரங்களைக் கட்டுப்படுத்த அது தயங்குவதாகவும் தகவல்கள் தெரிவிக்கின்றன.
மெட்டா தரப்பில் இந்த குற்றச்சாட்டுகள் மறுக்கப்பட்டுள்ள போதிலும், தொழில்நுட்ப நிறுவனங்கள் தங்களது தளங்களில் உள்ள மோசடி உள்ளடக்கங்களுக்குப் பொறுப்பேற்க வேண்டும் என்ற அழுத்தம் பிரித்தானியாவில் அதிகரித்துள்ளது.
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
