லங்காசிறி FM
வாகன சேவை மையத்தில் பணியாற்றிக் கொண்டிருந்த இளைஞர் மின்சாரம் தாக்கி மரணம்
கேகாலை மாவட்டம், ருவன்வெல்ல பொலிஸ் பிரிவுக்குட்பட்ட இஹல மொரவத்த பகுதியில் உள்ள வாகன சேவை மையம் ஒன்றில் பணியாற்றி வந்த 18 வயதுடைய இளைஞர் ஒருவர், எதிர்பாராத விதமாக மின்சாரத் தாக்குதலுக்கு இலக்காகிப் பரிதாபமாக உயிரிழந்துள்ளார்.
இந்த அனர்த்தம் நேற்று (03.07.2026) இடம்பெற்றுள்ளதாக பொலிஸார் தெரிவித்துள்ளனர்.
மின்சாரத் தாக்குதலுக்கு இலக்காகிக் கடுமையான காயங்களுக்குள்ளான நிலையில் மேற்படி இளைஞர் உடனடியாகக் கரவனெல்ல ஆதார வைத்தியசாலையில் அனுமதிக்கப்பட்டார்.
சிகிச்சை பலனின்றி உயிரிழப்பு
எனினும், அங்கு தீவிர சிகிச்சை அளிக்கப்பட்ட போதிலும் சிகிச்சை பலனின்றி அவர் உயிரிழந்துள்ளார் என்றும் பொலிஸார் குறிப்பிட்டுள்ளனர்.
இந்தச் சம்பவத்தில் உயிரிழந்தவர் இஹல மொரவத்த, ருவன்வெல்ல பகுதியைச் சேர்ந்த 18 வயதுடைய இளைஞர் என அடையாளம் காணப்பட்டுள்ளார்.
அவர் அந்தப் பகுதியில் உள்ள வாகன சேவை நிலையத்தில் ஊழியராகக் கடமையாற்றி வந்தவர் என்பதும், அங்கு வழமை போல் தனது பணியில் ஈடுபட்டிருந்த போதே எதிர்பாராத விதமாக இந்த மின்சாரத் தாக்குதலுக்கு இலக்காகியுள்ளார் என்பதும் பொலிஸாரின் ஆரம்பகட்ட விசாரணைகளில் தெரியவந்துள்ளது.
பலியானவரின் சடலம் பிரேத பரிசோதனைக்காக வைத்தியசாலையின் பிரேத அறையில் வைக்கப்பட்டுள்ளது. இந்தச் சம்பவம் குறித்து ருவன்வெல்ல பொலிஸார் மேலதிக விசாரணைகளை முன்னெடுத்து வருகின்றனர்.
யாழ் கோப்பாய் வடக்கு, Jaffna, Scarborough, Canada, Whitby, Canada
28 Jun, 2026
புங்குடுதீவு 5ம் வட்டாரம், யாழ்ப்பாணம், Fareham, United Kingdom
04 Jul, 2023
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
Negeri Sembilan, Malaysia, சுன்னாகம், யாழ்ப்பாணம், Wembley, United Kingdom, Gaborone, Botswana
30 Jun, 2021
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
