லங்காசிறி FM
உலக வங்கி நிதியுதவி திட்ட பணிப்பாளர் உள்ளிட்ட குழுவினர் திருகோணமலைக்கு விஜயம் (Photos)
உலக வங்கியின் நிதியுதவியுடன் ஆரம்ப சுகாதார பிரிவினை வலுவூட்டும் திட்டத்தின் கீழ் முன்னெடுக்கப்பட்டு வரும் ஆரம்ப சுகாதார செயற்பாடுகள் தொடர்பில் கண்காணிப்பதற்காக PSSP திட்டக்குழுவினர் திருகோணமலை மாவட்டத்திற்கு விஜயமொன்றை மேற்கொண்டுள்ளனர்.
PSSP என்றழைக்கப்படும் ஆரம்ப சுகாதாரப் பிரிவினை வலுவூட்டும் திட்ட குழுவினர் மஹதிவுல்வெவ பிரதேச வைத்தியசாலைக்கு திடீர் விஜயமொன்றினை மேற்கொண்டனர்.
திருகோணமலை மாவட்டத்தில் ஆரம்ப சுகாதார பிரிவினை வலுவூட்டும் திட்டத்தின் கீழ் 19 வைத்தியசாலைகள் தெரிவு செய்யப்பட்டுள்ளன.
எதிர்காலத்தில் நோயற்ற சமூகமாக மாற்ற வேண்டும்
35 வயதுக்கு மேற்பட்டவர்களுக்கான சிறுநீரகப் பரிசோதனை, குருதி அமுக்கம், இருதய நோய் மற்றும் ஏனைய இரத்த பரிசோதனைகளை பரிசோதித்து தொற்றா நோய்களை கண்டறிந்து எதிர்காலத்தில் நோயற்ற சமூகமாக மாற்ற வேண்டும் என்ற நோக்குடன் இத்திட்டம் முன்னெடுக்கப்பட்டு வருகின்றது.
இதனடிப்படையில் தற்போது முன்னெடுக்கப்பட்டு வரும் திட்டத்தினை நேரடியாக பார்வையிடுவதற்காக அத்திட்டத்தின் பணிப்பாளர் டொக்டர் ஜயசுந்தர பண்டார மற்றும் அவரது குழுவினர் நேற்று (17.02.2023) கள விஜயமொன்றை மேற்கொண்டுள்ளனர்.
இத்திட்டத்தின் ஊடாக ஒவ்வொரு கிராமங்களுக்கும் சென்று 35 வயதுக்கு மேற்பட்டவர்களின் இரத்த மாதிரிகளை பெற்று குறித்த மாதிரிகளில் காணப்படுகின்ற குறைபாடுகள் தொடர்பில் கரிசனை காட்டி நோயாளர்களை நோய் தாக்கங்களிலிருந்து குறைப்பதற்காகவே இத்திட்டம் உலக வங்கியின் நிதி உதவியுடன் மேற்கொள்ளப்பட்டு வருவதாகவும் அக்குழுவினர் தெரிவித்துள்ளனர்.
தொடர்ச்சியான சேவை
திருகோணமலை மாவட்டத்தில் 2019 ஆம் ஆண்டு ஆரம்பிக்கப்பட்ட திட்டம் தொடர்ச்சியாக முன்னெடுக்கப்பட்டு வருவதாகவும் மக்களுக்கு இத்திட்டத்தின் ஊடாக தொடர்ச்சியான சேவைகளை வழங்க வேண்டும் எனவும் திட்டத்தின் பணிப்பாளர் டொக்டர் ஜயசுந்தர பண்டார தெரிவித்துள்ளனர்
இக்கள விஜயத்தின் போது கிழக்கு மாகாண திட்டமிடல் மருத்துவ அதிகாரி டொக்டர் வீ.
குகன்,டொக்டர் கோகுலன் என பலரும் கலந்து கொண்டிருந்தனர்.
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
