லங்காசிறி FM
இலங்கையின் பகுதியொன்றில் ஏற்பட்டுள்ள ஆபத்து - விடுக்கப்பட்டுள்ள அவசர எச்சரிக்கை
இரத்தினபுரி, குருவிட்ட சுகாதார மருத்துவ அதிகாரி பிரிவின் பல பகுதிகளில் காய்ச்சல், வாந்தி மற்றும் வயிற்றுப்போக்கு உள்ள நோயாளிகள் பதிவாகி வருவதாக குருவிட்ட சுகாதார மருத்துவ அதிகாரி அலுவலகம் வலியுறுத்துகிறது.
எரத்ன, லஸ்ஸகந்த, பட்டதொட, கீரகல, குருவிட்ட மற்றும் தெப்பனாவ ஆகிய பகுதிகளிலிருந்தும் நோயாளிகள் பதிவாகியுள்ளதாக தெரிவிக்கப்படுகிறது.
இந்தப் பகுதிகளில் மாசுபட்ட குடிநீரில் ஏற்படும் வைரஸ் தொற்றினால் இந்த நோய் ஏற்படுவதாக என்று பொது சுகாதார ஆய்வாளர்கள் நம்புகின்றனர். மேலும், பாதிக்கப்பட்ட நோயாளிகள் பருகும் நீர் மாதிரிகள் பரிசோதனைக்கு அனுப்பப்பட்டுள்ளதாக பொது சுகாதார ஆய்வாளர்கள் தெரிவித்தனர்.
மருத்துவ அதிகாரி
சிவனொளிபாத மலையில், உள்ள நீர் யாத்ரீகர்களால் மாசுபடுவதால், இதுபோன்ற நோய்கள் பல ஆண்டுகளாக இந்த காலப் பகுதியில் பதிவாகியுள்ளதாக சுகாதார மருத்துவ அதிகாரி அலுவலகத்தின் செய்தித் தொடர்பாளர் தெரிவித்தார்.
பொது நீர் திட்டங்களில் சேர்க்கப்படும் விலங்குக் கழிவுகள் மற்றும் குழாய்கள் மூலம் சேகரிக்கப்படும் தனியார் நீர் இடங்களிலும் நீர் மாசுபடக்கூடும் என்று பொது சுகாதார ஆய்வாளர்கள் தெரிவித்தனர்.
இந்த நோய் பதிவாகியுள்ள பகுதிகளில் ஏராளமான பாடசாலைகள் உள்ளன. அந்தப் பாடசாலைகளில் பல பொது நீர் திட்டங்கள் மற்றும் சிறு நகர நீர் திட்டங்களிலிருந்து குடிநீரைப் பெறுகின்றன.
பாடசாலைகள்
எனவே, பெற்றோர்கள் தங்கள் பிள்ளைகளை பாடசாலை நேரங்களில் குடிக்க சூடான தண்ணீர், போத்தல்களில் அனுப்புமாறு கேட்டுக் கொள்ளப்படுகிறார்கள்.
அனைத்து நீர் நிலைகள், நீர் குழாய்கள் மற்றும் தொட்டிகளை சுத்தம் செய்தல், குடிப்பதற்கு முன் தண்ணீரை கொதிக்க வைத்தல், பதப்படுத்தப்பட்ட உணவை ஈக்களிடமிருந்து பாதுகாப்பாக வைத்திருத்தல், பாதுகாப்பான இடங்களில் மட்டுமே உணவை வாங்குதல், அறிகுறிகள் உள்ளவர்களுக்கு மருத்துவ சிகிச்சை அளித்தல், ஏராளமான திரவங்களை குடித்தல், நோயாளியை பராமரிப்பவர்கள் கைகளை நன்கு கழுவுதல் ஆகியவற்றின் மூலம் நோயைத் தடுக்க முடியும் என்று சுகாதார அதிகாரிகள் வலியுறுத்துகின்றனர்.
வீமன்காமம் வடக்கு, யாழ்ப்பாணம், பரிஸ், France, Ajax, Canada
03 Apr, 2025
புங்குடுதீவு 4ம் வட்டாரம், பரிஸ், France, சூரிச், Switzerland
10 Apr, 2022
ஏழாலை, யாழ்ப்பாணம், Bad Marienberg, Germany, Hayes, United Kingdom
31 Mar, 2025