புங்குடுதீவு வித்தியா கொலை வழக்கு : நீதிமன்றம் விதித்த அதிரடி உத்தரவு

Jaffna Death Law and Order Court of Appeal of Sri Lanka Murder

By Rukshy Aug 25, 2025 09:18 AM GMT

Rukshy

Report

யாழ்ப்பாணம் - புங்குடுதீவு சிவலோகநாதன் வித்தியா கொலை வழக்கில் மரண தண்டனை விதிக்கப்பட்ட குற்றவாளிகள் தாக்கல் செய்த மேன்முறையீட்டு மனுக்கள் மீதான விசாரணையை நவம்பர் 6ஆம் திகதிக்கு உயர் நீதிமன்றம் ஒத்திவைத்துள்ளது.

இந்த மேன்முறையீட்டு மனுக்கள் தலைமை நீதிபதி பிரீத்தி பத்மன் சூரசேன, நீதிபதிகள் அச்சல வெங்கப்புலி, சம்பத் அபேகோன் ஆகியோர் அடங்கிய உயர் நீதிமன்றத்தின் மூன்று நீதிபதிகள் கொண்ட அமர்வு முன் விசாரணைக்கு எடுத்துக்கொள்ளப்பட்டன.

நான்கரை ஆண்டுகளுக்கும் மேலாக

வழக்கு விசாரணையின் போது, மேன்முறையீட்டாளர்கள் சார்பில் முன்னியான வழக்கறிஞர், வழக்கு தொடர்பான தமிழ் மொழிபெயர்ப்புகளைப் பெற நான்கரை ஆண்டுகளுக்கும் மேலாக ஆனதாக நீதிமன்றத்தில் தெரிவித்தார்.

அதன்படி, மேன்முறையீட்டு விசாரணைக்கு முன்கூட்டியே திகதியை ஒதுக்குமாறு பிரதிவாதி வழக்கறிஞர் நீதிமன்றத்தைக் கோரினார்.

புங்குடுதீவு வித்தியா கொலை வழக்கு : நீதிமன்றம் விதித்த அதிரடி உத்தரவு | Vidhya Murder Case Investigation

இதற்கு பதிலளித்த தலைமை நீதிபதி பிரீத்தி பத்மன் சூரசேன, விரைவான விசாரணையை உறுதி செய்வதற்காக மேன்முறையீடுகளுக்கு ஒரு திகதி வழங்கப்படும் என்று கூறியுள்ளார்.

மேன்முறையீட்டு மனுக்களின் விசாரணை

எனவே, மேன்முறையீட்டு மனுக்களின் விசாரணையை நவம்பர் 6 ஆம் திகதிக்கு நீதிமன்றம் ஒத்திவைத்தது.

இந்த சம்பவம் கடந்த 2015ஆம் ஆண்டு 18 வயது பாடசாலை மாணவியான சிவலோகநாதன் வித்யா யாடசாலையில் இருந்து வீடு திரும்பும் போது கடத்தப்பட்டு, பாலியல் வன்கொடுமை செய்யப்பட்டு, கொலை செய்யப்பட்டார்.

2017 ஆம் ஆண்டில், யாழ்ப்பாண உயர் நீதிமன்றம் "சுவிஸ் குமார்" என்று அழைக்கப்படும் ஒரு சந்தேக நபர் உட்பட ஏழு பேருக்கு மரண தண்டனை விதித்தது.

மரண தண்டனை விதிக்கப்பட்டது சட்டத்தை மீறுவதாகவும், தங்களை குற்றச்சாட்டிலிருந்து விடுவித்து விடுவிக்க வேண்டும் என்றும் கோரி, குற்றவாளிகள் தங்கள் வழக்கறிஞர்கள் மூலம் உயர் நீதிமன்றத்தில் மேன்முறையீடு செய்தமை குறிப்பிடத்தக்கது.