சிரேஷ்ட தமிழ் அரசியல்வாதி வீ.ஆனந்தசங்கரி கோவிட் தடுப்பூசியை பெற்றுக்கொண்டார்

Politician Kilinochchi Covid vaccine

By Independent Writer Jul 29, 2021 07:17 AM GMT

Independent Writer

in சமூகம்

Report

நடமாடும் தடுப்பூசி ஏற்றும் பணிகள் கிளிநொச்சியில் முன்னெடுக்கப்பட்டு வரும் நிலையில் சிரேஷ்ட தமிழ் அரசியல்வாதி வீ.ஆனந்தசங்கரியும் 88வது வயதில் இன்று சினோபாம் தடுப்பூசியைப் பெற்றுக்கொண்டார்.

நேற்று முதல் வயது முதிர்ந்தவர்கள், நடமாட முடியாதவர்கள் மற்றும் நோய்வாய்ப்பட்டுப் படுக்கையில் இருப்போர் உள்ளிட்டோருக்கு நடமாடும் தடுப்பூசி செலுத்தும் வேலைத்திட்டம் ஆரம்பிக்கப்பட்டது.

கிளிநொச்சி பிராந்திய சுகாதார சேவைகள் வைத்திய அதிகாரி சரவணபவனின் நேரடி கண்காணிப்பின் கீழ் குறித்த பணிகள் முன்னெடுக்கப்பட்டு வருகின்றது.

இந்த நிலையில், குறித்த நடமாடும் தடுப்பூசி செலுத்தும் சேவை ஊடாக தமிழர் விடுதலைக்கூட்டணியின் செயலாளர் நாயகம் வீ.ஆனந்தசங்கரி தடுப்பூசியை இன்று செலுத்திக்கொண்டார்.

கிளிநொச்சி மாவட்டத்தில் 50 ஆயிரம் தடுப்பூசிகள் செலுத்துவதற்காகக் கிடைக்கப்பெற்றுள்ள நிலையில் 9 இடங்களிலும், நடமாடும் தடுப்பூசி ஏற்றும் வேலைத்திட்டம் ஊடாகவும் தடுப்பூசி ஏற்றும் பணிகள் இடம்பெற்ற வருகின்றது.

30 வயதுக்கு மேற்பட்டவர்கள், மற்றும் வர்த்தக நடவடிக்கைகளில் ஈடுபடுவோருக்கும் குறித்த தடுப்பூசிகள் ஏற்றும் பணிகள் இடம்பெறுகின்றது.

இந்த நிலையில் இன்றைய தினம் நடமாடும் சேவை ஊடாக 88 வயதுடைய வீ.ஆனந்தசங்கரி தடுப்பூசியைக் கிளிநொச்சியில் அமைந்துள்ள அவரது இல்லத்தில் பெற்றுக்கொண்டார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை