லங்காசிறி FM
புகலிடக் கோரிக்கையாளர்களுக்கு ஏற்பட்டுள்ள பெரும் சிக்கல்! அமெரிக்கா மற்றும் கனடாவின் கூட்டு அறிவிப்பு
அமெரிக்காவும் கனடாவும் அதிகாரப்பூர்வமற்ற எல்லைக் கடவுகளில் புகலிடக் கோரிக்கையாளர்களை நிராகரிப்பதற்கான ஒப்பந்தத்தை எட்டியுள்ளதாக அதிகாரிகள் தெரிவித்துள்ளனர்.
அமெரிக்க ஜனாதிபதி ஜோ பைடனின் ஒட்டாவா விஜயத்தின் போது, இருநாட்டு தலைவர்களும் இன்று (24.03.23) இந்த ஒப்பந்தத்தை அறிவித்துள்ளனர்.
அமெரிக்காவும் கனடாவும் ஒப்பந்தம்
இந்த ஒப்பந்தம் எல்லையின் இருபுறமும் உள்ள அதிகாரிகளை இரு திசைகளிலும் செல்லும் புகலிடக் கோரிக்கையாளர்களைத் திரும்பப் பெற அனுமதிக்கும் என்று எதிர்பார்க்கப்படுகிறது. கனடாவில் இருந்து புலம்பெயர்ந்தவர்களின் எண்ணிக்கையும் அமெரிக்கத் தரப்பில் உயர்ந்துள்ள நிலையில் இந்த ஒப்பந்தம் எட்டப்பட்டள்ளது.
நியூயோர்க் மாநிலத்திற்கும் கியூபெக் மாகாணத்திற்கும் இடையே உள்ள அதிகாரப்பூர்வமற்ற குறுக்கு வழியான ரோக்ஸ்ஹாம் வீதியில் குடியேறுபவர்களின் வருகையை கட்டுப்படுத்தும் முயற்சிகளின் ஒரு பகுதியாக இந்த நடவடிக்கை எடுக்கப்பட்டுள்ளது.
ஒப்பந்தத்தின் ஒரு பகுதியாக, தென் மற்றும் மத்திய அமெரிக்காவில் துன்புறுத்தல் மற்றும் வன்முறையில் இருந்து தப்பிச் செல்லும் 15,000 புலம்பெயர்ந்தோருக்கான புதிய அகதித் திட்டத்தை கனடா உருவாக்கும் என்று பெயரிடப்படாத அமெரிக்க அதிகாரிகள் சர்வதேச ஊடகங்களில் கருத்து தெரிவித்துள்ளனர்.
கடந்த மாதம் நியூயார்க் நகர அதிகாரிகள், புலம்பெயர்ந்தோர் கனடாவுடனான அமெரிக்க எல்லையை நோக்கி பயணிக்க இலவச பேருந்து டிக்கெட்டுகளை வழங்குவதாக தெரிவித்தனர்.
விரைவில் நடைமுறைக்கு வரும் ஒப்பந்தம்
ரோக்ஸ்ஹாம் சாலையில் வடக்கு எல்லையைத் தாண்டிய புலம்பெயர்ந்தோரின் எண்ணிக்கை கடந்த ஆண்டு அதிகரித்தது புதிய அமெரிக்க-கனடா எல்லை ஒப்பந்தம் தொடர்பான பேச்சுவார்த்தைகள் பல மாதங்களாக முடங்கியிருந்ததாக தகவல்கள் தெரிவிக்கின்றன.
இந்நிலையில், அமெரிக்கா-மெக்சிகோ எல்லையில் அதன் சொந்த புலம்பெயர்ந்தோர் நெருக்கடியால் நாடு சிக்கித் தவித்ததால், அமெரிக்க அதிகாரிகள் ஒப்பந்தத்தை மறுசீரமைக்க விரும்பவில்லை என்று கூறப்படுகிறது.
மே மாதத்தில் கோவிட் எல்லைக் கட்டுப்பாடுகள் நீக்கப்பட்டவுடன் புலம்பெயர்ந்தோர் தஞ்சம் கோருவதை கடினமாக்குவதன் மூலம் மெக்ஸிகோவுடனான அமெரிக்காவின் தெற்கு எல்லையில் புகலிடக் கோரிக்கையாளர்களை ஒடுக்க பைடன் நிர்வாகம் முன்மொழிந்துள்ளது.
இந்தப் பிரேரணை மனித உரிமைக் குழுக்களின் எதிர்ப்பைச் சந்தித்துள்ளது.
மேலும், புதிய அமெரிக்க-கனடா ஒப்பந்தம் அமெரிக்க காங்கிரஸின் ஒப்புதல் தேவையில்லை என்பதால் விரைவில் நடைமுறைக்கு வரலாம் என தெரிவிக்கப்படுகின்றது.
இயற்கை விதியும் ஈழத் தமிழர் அரசியலும் 23 மணி நேரம் முன்
புங்குடுதீவு 10ம் வட்டாரம், புங்குடுதீவு 12ம் வட்டாரம், Toronto, Canada
17 Apr, 2025
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
மலேசியா, Malaysia, உடுப்பிட்டி, New Malden, United Kingdom
29 Apr, 2025
