எதிர்கட்சி தலைவரான உதயநிதி ஸ்டாலின்! முதலமைச்சர் விஜய்க்கு வாழ்த்து..

தமிழக முதலமைச்சர் விஜய்க்கு உதயநிதி ஸ்டாலின் வாழ்த்து தெரிவித்துள்ளார்.

மக்களுக்கும் - அரசுக்கும் இடையிலான ஊடகமா நாங்க தான் இனி இருப்போம் எனவும், எதிரிக்கட்சியா இல்லாமல், ஒரு நல்ல எதிர்க்கட்சியா செயல்படுவோம் என்றும் அவர் குறிப்பிட்டுள்ளார்.

இதேபோன்று எதிர்க்கட்சித் தலைவராக பணியாற்றும் பெரிய பொறுப்பை வழங்கிய கழக தலைவர் ஸ்டாலினுக்கும் நன்றி தெரிவித்துள்ளார்.

விஜய்யை சந்தித்த காணொளியை பதிவிட்ட ராகுல் காந்தி! முடங்கிய இன்ஸ்டா பதிவு - காங்கிரஸ் பகிரங்க குற்றச்சாட்டு

எதிர்கட்சி தலைவர்

தமிழகத்தில் 17வது முதல்வராக விஜய் இன்று பொறுப்பேற்றார். சென்னை நேரு உள்விளையாட்டு அரங்கில் நடந்த பதவியேற்பு விழாவில் ஆளுநர் அர்லேகர் பதவிப் பிரமாணம் செய்து வைத்தார்.

தமிழகத்தின் புதிய முதல்வராக பதவியேற்ற விஜய்க்கு பலரும் வாழ்த்து தெரிவித்து வருகின்றனர்.

தமிழக சட்டசபை நாளை கூட உள்ளது. இதில் தேர்தலில் வெற்றிபெற்ற எம்.எல்.ஏ.க்கள் பதவியேற்க உள்ளனர்.

இந்நிலையில், திமுக சட்டமன்றக்குழு தலைவராக உதயநிதி ஸ்டாலின் தேர்ந்தெடுக்கப்பட்டுள்ளார். மேலும், துணைத்தலைவராக கே.என்.நேருவும், திமுக கொறடாவாக ஏ.வ.வேலுவும் தேர்ந்தெடுக்கப்பட்டுள்ளனர்.

திமுக தலைவர் மு.க.ஸ்டாலின் தலைமையில் கடந்த 7ம் திகதி நடைபெற்ற திமுக எம்.எல்.ஏ.க்கள் கூட்டத்தில் இந்த முடிவு எடுக்கப்பட்டதாக திமுக தலைமை இன்று அறிவித்துள்ளது.

தமிழக எதிர்க்கட்சி தலைவராக ஆக உள்ள முன்னாள் துணை முதல்வர் உதயநிதி ஸ்டாலின் விஜய்க்கு வாழ்த்து தெரிவித்துள்ளார்.

முதலமைச்சர் விஜயின் பதவியேற்பு விழாவில் சர்ச்சையை கிளப்பியுள்ள தமிழ்தாய் வாழ்த்து! தவெக தரப்பிலிருந்து கொடுக்கப்பட்டுள்ள விளக்கம்

முதலமைச்சருக்கு வாழ்த்து

அவர் தனது எக்ஸ் தளத்தில் பதிவிட்டு இருப்பதாவது, தமிழ்நாட்டின் புதிய அரசுக்கும் - முதலமைச்சராக பொறுப்பேற்றுள்ள திரு. விஜய் அவர்களுக்கும் என் வாழ்த்துகள்.

இந்த நேரத்தில், 17-ஆவது தமிழ்நாடு சட்டப்பேரவையின் எதிர்க்கட்சித் தலைவரா பணியாற்றும் பெரிய பொறுப்பை எனக்கு வழங்கியிருக்க கழகத்தலைவர் எங்க உயிரான மு. க ஸ்டாலின் அவர்களுக்கும், கழகப் பொதுச்செயலாளர் மற்றும் கழகச் சட்டமன்ற உறுப்பினர்கள், கழக நிர்வாகிகள், தலைவர் கலைஞரின் உடன்பிறப்புகள், எல்லாத்துக்கும் மேல தமிழ்நாட்டு மக்கள் அனைவருக்கும் என்னோட அன்பான நன்றி!

தமிழ்நாட்டின் புதிய அரசுக்கும் - முதலமைச்சராக பொறுப்பேற்றுள்ள திரு.@actorvijay அவர்களுக்கும் என் வாழ்த்துகள்.

இந்த நேரத்தில், 17-ஆவது தமிழ்நாடு சட்டப்பேரவையின் எதிர்க்கட்சித் தலைவரா பணியாற்றும் பெரிய பொறுப்பை எனக்கு வழங்கியிருக்க கழகத்தலைவர் எங்க உயிரான @mkstalin அவர்களுக்கும்,…

— Udhay - தமிழ்நாட்டை தலைகுனிய விடமாட்டேன் (@Udhaystalin) May 10, 2026

கழகத்தலைவர் அவர்களின் வழிகாட்டுதலின்படி, சட்டமன்றத்திலும் - மக்கள் மன்றத்திலும் - சமூக ஊடகங்களிலும் ஆற்றல்மிகு எதிர்க்கட்சியா மக்களின் குரலை நாங்க எதிரொலிப்போம்.

ஆக்கப்பூர்வமான விமர்சனங்களை முன்வைப்போம். எங்க தலைவர் சொன்ன மாதிரி, எதிரிக்கட்சியா இல்லாம, ஒரு நல்ல எதிர்க்கட்சியா செயல்படுவோம் என பதிவிட்டுள்ளார்.

தமிழகத்தின் புதிய முதலமைச்சர் விஜயிடம் சிறீதரன் எம்பி விடுத்த கோரிக்கை