லங்காசிறி FM
2.5 மில்லியன் டொலர் நிதி மோசடி : திறைசேரி செயலாளருக்கு கோப் குழு அவசர அழைப்பு
2.5 மில்லியன் அமெரிக்க டாலர்கள் காணாமல் போனது தொடர்பான திறைசேரி அறிக்கையை ஆய்வு செய்வதற்காக, திறைசேரி செயலாளர் ஹர்ஷனா சூரியப்பெரும பொது நிதிக் குழுவின் (CoPF) முன் முன்னிலையாகுமாறு அழைக்கப்பட்டுள்ளதாகத் தெரிவிக்கப்பட்டுள்ளது.
இந்த சம்பவம் தொடர்பாக நிதி அமைச்சு சுமார் 100 பக்கங்களைக் கொண்ட அறிக்கையை நாடாளுமன்றத்திற்கு சமர்ப்பித்துள்ளது.
பொதுநிதி குழுவின் தலைவர் ஹர்ஷ டி சில்வா ஊடகங்களுக்கு கருத்து தெரிவிக்கையில்,
அந்த அறிக்கையின் பிரதிகளை குழுவின் அனைத்து உறுப்பினர்களுக்கும் வழங்குவதற்கான ஏற்பாடுகள் செய்யப்பட்டு வருவதாகக் கூறினார்.
நாளை கூடவுள்ள விசேட பொதுநிதி குழு
பொதுநிதி குழு நாளை(08.06.2026) கூடவுள்ள நிலையில், அறிக்கையின் உள்ளடக்கங்கள் தொடர்பாக மேலதிக கேள்விகளுக்கு பதிலளிப்பதற்காக ஹர்ஷண சூரியப்பெருமவும் கூட்டத்தில் பங்கேற்குமாறு கோரப்பட்டுள்ளதாக தெரிவிக்கப்படுகிறது.
இதற்கு முன்னர், அவர் கடந்த ஏப்ரல் 30ஆம் திகதி நிதி அமைச்சு மற்றும் இலங்கை மத்திய வங்கியின் மூத்த அதிகாரிகள் குழுவுடன் பொதுநிதி குழு முன் முன்னிலையாகினார்.
இதன்போது, இலங்கை திறைசேரிக்குச் சொந்தமான 2.5 மில்லியன் அமெரிக்க டொலர்கள் மோசடி தரப்பொன்றுக்கு மாற்றப்பட்டதாக முன்வைக்கப்பட்ட குற்றச்சாட்டுகள் தொடர்பில் குழு உறுப்பினர்கள் அதிகாரிகளிடம் கேள்வி எழுப்பினார்கள்.
இதேவேளை, இந்த சம்பவம் தொடர்பான வழக்கு இவ்வாரம் பசன் அமரசேன தலைமையிலான கொழும்பு கோட்டை நீதவான் நீதிமன்றம் முன் விசாரணைக்கு எடுத்துக்கொள்ளப்பட்டபோது, விசாரணை அதிகாரிகள் இந்த விவகாரம் தொடர்பாக இதுவரை 42 பேரிடமிருந்து வாக்குமூலங்கள் பதிவு செய்யப்பட்டுள்ளதாக நீதிமன்றத்திற்கு அறிவித்துள்ளனர்.
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
