சுதந்திர சதுக்க வளாகத்தில் போக்குவரத்து மட்டுப்பாடு! பொலிஸார் வெளியிட்ட விசேட அறிவிப்பு

traffic rules

By Independent Writer Jan 31, 2021 08:07 PM GMT

Independent Writer

in இலங்கை

Report

ஜனவரி 30 முதல் பெப்ரவரி 4ம் திகதி வரை சுதந்திர சதுக்கத்தை சுற்றி வாகன போக்குவரத்து தடை செய்யப்படும் என்று பொலிஸார் இன்று அறிவித்துள்ளனர்.

சுதந்திர தினத்திற்கான ஒத்திகை ஜனவரி 30 முதல் பெப்ரவரி 3ம் திகதி வரை நடைபெறும் என்று பொலிஸ் ஊடகப் பேச்சாளர் அஜித் ரோஹன தெரிவித்துள்ளார்.

தேசிய சுதந்திர தின கொண்டாட்டங்கள் பெப்ரவரி 4ஆம் திகதி சுதந்திர சதுக்கத்தில் இடம்பெறவுள்ளது.

இதன் காரணமாக சுதந்திர சதுக்கத்தை ஒட்டிய சாலை மற்றும் இணைக்கும் சாலைகள் போக்குவரத்துக்காக மூடப்படும்.

ஒத்திகை நாட்களில் காலை 6 மணி முதல் பிற்பகல் 1 மணி வரை மற்றும் சுதந்திர தினத்தில் அதிகாலை 4 மணி முதல் பிற்பகல் 1 மணி வரை தடைசெய்யப்படும் என அறிவிக்கப்பட்டுள்ளது.

இந்த நாட்களில் தாமரை தடாகம் அருகே சாலையின் ஒரு பகுதி போக்குவரத்துக்காக மூடப்படும் என்று பொலிஸ் ஊடகப் பேச்சாளர் அஜித் ரோஹன கூறியுள்ளார்.

இந்த காலகட்டத்தில் மாற்று சாலைகளைப் பயன்படுத்துமாறு பொதுமக்களிடம் அவர் கோரியுள்ளார்.

இந்த நாட்களில் போக்குவரத்தை கண்காணிக்க காவல்துறையினர் நிறுத்தப்படுவார்கள், அதே நேரத்தில் வாகன சாரதிகளுக்கு உதவ சாலை அடையாளங்களும் வைக்கப்படும் என்று அவர் தெரிவித்துள்ளார்.