சந்திரகாந்தனை விமர்சிக்க சாணக்கியனுக்கு உரிமை இல்லை! தமிழ் மக்கள் விடுதலைப் புலிகள் கட்சி

Shanakiyan Rasamanickam Sivanesathurai Santhirakanthan Eastern Province

By Rusath Sep 09, 2022 09:37 AM GMT

Rusath

in அரசியல்

Report

இளைஞர்களின் தியாகத்தால் உருவான தமிழ் மக்கள் விடுதலை புலிகள் கட்சியையும், அதன் தலைவர் சிவநேசதுரை சந்திரகாந்தனையும் விமர்சிப்பதற்கு மட்டக்களப்பு மாவட்ட நாடாளுமன்ற உறுப்பினர் சாணக்கியனுக்கு எந்த உரிமையும் கிடையாது என தமிழ் மக்கள் விடுதலைப் புலிகள் கட்சியின் பொதுச் செயலாளர் பூ.பிரசாந்தன் தெரிவித்துள்ளார்.

இது தொடர்பில் நேற்றைய தினம் விடுத்துள்ள அறிக்கையில் அவர் இந்த விடயத்தை கூறியுள்ளார்.

போலி தேசியவாத அரசியல்

மேலும் தெரிவிக்கையில், வெறும் ஆசனங்களை சூடாக்குவதற்காகவோ சொந்த நலனுக்காக சொத்து சேர்ப்பதற்காகவோ இளைஞர்களை சூடாக்கி போலி தேசியவாத அரசியல் செய்வதற்காகவோ இந்த ஜனநாயக அரசியல் நீரோட்டத்தில் சங்கமித்தவர்கள் அல்ல தமிழ் மக்கள் விடுதலை புலிகள்.

சந்திரகாந்தனை விமர்சிக்க சாணக்கியனுக்கு உரிமை இல்லை! தமிழ் மக்கள் விடுதலைப் புலிகள் கட்சி | Tmvp Party Press Meet

கிழக்கில் தமிழர்களின் இருப்பை நிலைப்படுத்தி கல்வி, கலை, கலாச்சார, பொருளாதார மேம்பாட்டிற்காக எம்மக்கள் மாற்று அரசியல் தலைமைகளிடம் மண்டியிடாது தம்மை தாமே ஆளாக்கூடிய கிழக்கு தலைமைகளை உருவாக்குவதற்காக பல நூற்றுக்கணக்கான இளைஞர்களின் தியாகத்தின் பால் ஆயிரக்கணக்காக இளைஞர்களின் அர்ப்பணிப்புடன் பயணிக்கின்ற தமிழ் மக்கள் விடுதலை புலிகளையும், கிழக்கு மக்களின் மீட்புக்காக தூரநோக்கு சிந்தனையின்பால் மக்களின் பேராதரவையும் பெற்ற சிவநேசதுரை சந்திரகாந்தனையும் விமர்சிக்கும் நாடாளுமன்ற உறுப்பினர் சாணக்கியனின் அநாகரிகமான செயற்பாடுகளை நாம் வன்மையாக கண்டிக்கின்றோம் என குறிப்பிட்டுள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை