லங்காசிறி FM
ஜனாதிபதி மற்றும் பிரதமர் உள்ளிட்ட முக்கியஸ்தர்களுக்கு ஏற்பட்டுள்ள உயிராபத்து
ஜனாதிபதி, பிரதமர் மற்றும் அமைச்சர்கள் உள்ளிட்ட பிரமுகர்கள் கலந்து கொள்ளும் நிகழ்வுகளின் போது, அதிக பாதுகாப்பு மற்றும் எச்சரிக்கையுடன் செயல்படுமாறு அனைத்து மூத்த பொலிஸ் அதிகாரிகளுக்கும் பொலிஸ் மா அதிபர் பிரியந்த வீரசூரிய உத்தரவிட்டுள்ளதாக தகவல் வெளியாகியுள்ளது.
பிரமுகர்கள் கலந்து கொள்ளும் நிகழ்வுகளுக்கு முப்படையினர், பொலிஸார் போன்ற பல்வேறு சீருடைகளை அணிந்திருப்பவர்கள் தொடர்பிலும், அதிக கவனம் செலுத்தி ஆய்வு செய்ய வேண்டும் என பொலிஸ் மா அதிபர் அறிவுறுத்தியுள்ளார்.
பொலிஸ் மா அதிபர் இந்த உத்தரவை 15 ஆம் திகதி ஒரு சிறப்பு சுற்றறிக்கை மூலம் அறிவித்துள்ளார்.
பொலிஸ் அதிகாரிகளுக்கு உத்தரவு
அதற்கமைய, அனைத்து மூத்த பொலிஸ் அதிகாரிகள், பிரிவு அதிகாரிகள், உதவிப் பொலிஸ் அதிகாரிகள் மற்றும் தலைமை பொலிஸ் அதிகாரிகளுக்கு உத்தரவுகள் பிறப்பிக்கப்பட்டுள்ளது.
வன்முறையாளர் ஒருவர் இராணுவ மற்றும் பொலிஸ் சீருடை அணிந்து வந்து குற்றம் செய்ய வாய்ப்புள்ளதாகவும் வலியுறுத்தப்பட்டுள்ளது.
பண்டிகை நிகழ்வுகள் மற்றும் போக்குவரத்துக் கட்டுப்பாடு மற்றும் சுகாதாரம் போன்ற பிற அத்தியாவசிய நடவடிக்கைகளுக்கான பாதுகாப்பை முன்கூட்டியே அடையாளம் காண்பது அவசியம் என்றும் கூறப்பட்டுள்ளது.
பொலிஸார் நடவடிக்கை
மேலும், விசேட பிரமுகர்கள் பாதுகாப்புப் பணிகளுக்காக பணியில் அமர்த்தப்பட்டுள்ள அதிகாரிகளை அடையாளம் கண்டு வேறுபடுத்துவதற்காக வெளியிடப்படும் வெவ்வேறு வண்ணக் கைப்பட்டிகள், பதாகைகள் அல்லது பிற சின்னங்கள் போன்றவற்றில் அதிக கவனம் செலுத்தப்பட வேண்டும் எனவும் வலியுறுத்தப்பட்டுள்ளது.
அதற்கமைய, ஜனாதிபதி, பிரதமர் மற்றும் அமைச்சர்கள் போன்ற விஐபிகள் கலந்து கொள்ளும் பண்டிகை நிகழ்வுகளில் பணியில் ஈடுபடும் முப்படை அதிகாரிகள் மற்றும் பொலிஸ் துணை சேவைகளின் அதிகாரிகள் மீது மிகுந்த கவனம் செலுத்த பொலிஸார் நடவடிக்கை எடுத்துள்ளதாக கூறப்படுகிறது.
பணத்தை திருடும் போது நிலாவிடம் வசமாக சிக்கிய பல்லவன் அம்மா, அடுத்து நடந்தது... அய்யனார் துணை சீரியல் புரொமோ Cineulagam
பாண்டியன் மொத்த குடும்பத்தையும் போலீஸ் ஸ்டேஷன் அனுப்பிய மயில் அம்மா.... பாண்டியன் ஸ்டோர்ஸ் 2 பரபரப்பு புரொமோ Cineulagam
Bigg Boss: இது உங்க வீடு இல்லை... நீங்க கெஸ்ட் இல்லை! நண்பன் மனைவியிடம் சீறி பாய்ந்த விஜய் சேதுபதி Manithan
அச்சுவேலி, Woodbridge, Canada
18 Dec, 2010
