லங்காசிறி FM
இரு நாடுகளுக்கு இடையிலான பதற்றத்தால் இலங்கையருக்கு கிடைத்துள்ள வாய்ப்பு
10,000 இலங்கை தொழிலாளர்களை ஆட்சேர்ப்பு செய்ய தாய்லாந்து ஒப்புதல் அளித்துள்ளதாக தாய்லாந்தின் மூத்த அதிகாரி ஒருவர் அறிவித்துள்ளார்.
புதுப்பிக்கப்பட்ட எல்லைப் பதற்றங்களுக்கு மத்தியில் கம்போடிய தொழிலாளர்கள் நாடு திரும்பியதைத் தொடர்ந்து தாய்லாந்தில் ஏற்பட்ட தொழிலாளர் பற்றாக்குறையை போக்கும் வகையிலே இந்த நடவடிக்கை எடுக்கப்பட்டுள்ளதாக தெரிவிக்கப்பட்டுள்ளது.
வெளிநாட்டு ஊழியர்கள்
சர்வதேச தொழிலாளர் அமைப்பின் தரவுகளின்படி, தாய்லாந்து, வயதான மக்கள்தொகை மற்றும் குறைந்து வரும் உள்நாட்டு பணியாளர்களை எதிர்கொள்வதுடன் ஏற்கனவே விவசாயம், கட்டுமானம் மற்றும் உற்பத்தி ஆகியவற்றில் பதிவு செய்யப்பட்ட மூன்று மில்லியனுக்கும் அதிகமான வெளிநாட்டு ஊழியர்களை நம்பியுள்ளதாகவும் தெரிவிக்கப்பட்டுள்ளது.
தாய்லாந்தின் தொழிலாளர் அமைச்சர் இது தொடர்பில் கூறுகையில், 30,000க்கும் மேற்பட்ட இலங்கைத் தொழிலாளர்கள் ஏற்கனவே பதிவு செய்துள்ளதாகவும், ஆரம்ப கட்டத்தில் 10,000 பேர் பணியமர்த்தப்பட உள்ளதாகவும் தெரிவித்துள்ளார்.
புதிய கொள்கை
நேபாளம், பங்களாதேஷ், இந்தோனேசியா மற்றும் பிலிப்பைன்ஸ் ஆகிய நாடுகளைச் சேர்ந்த தொழிலாளர்களுக்கும் புதிய கொள்கையின் கீழ் வேலை வாய்ப்புகள் வழங்கப்படும் என்றும் அவர் கூறியுள்ளார்.
தாய்லாந்துக்கும் கம்போடியாவுக்கும் இடையே கடந்த மாதம் ஏற்பட்ட பயங்கர எல்லை மோதலில் குறைந்தது 43 பேர் கொல்லப்பட்டதுடன் 300,000 க்கும் அதிகமானோர் இடம்பெயர்ந்தனர். இதனையடுத்தே இவ்வாறு ஆட்சேர்ப்பு செய்ய நடவடிக்கை எடுக்கப்பட்டுள்ளது.
வட்டுக்கோட்டை, அராலி வடக்கு, யாழ்ப்பாணம், helsinki, Finland
20 Jul, 2025
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
அச்சுவேலி, Neuilly-sur-Marne, France, Brou-sur-Chantereine, France
12 Aug, 2025
யாழ்ப்பாணம், பொல்காவலை, வாழைச்சேனை, புன்னாலைக்கட்டுவன், Edmonton, United Kingdom
09 Aug, 2025
யாழ் மண்கும்பான் கிழக்கு, Jaffna, Ivry-sur-Seine, France, புங்குடுதீவு 1ம் வட்டாரம்
12 Aug, 2025
