லங்காசிறி FM
அமெரிக்க ஜனாதிபதி தேர்தலில் ஆதிக்கம் செலுத்தும் பாடகி
அமெரிக்க பாடகி டெய்லர் ஸ்விப்ட் (Taylor Swift), அந்நாட்டு ஜனாதிபதித் தேர்தலில் வேட்பாளர் கமலா ஹரிஸின் வாக்கு எண்ணிக்கையை அதிகரிக்கக் கூடும் எனத் தெரிவிக்கப்பட்டுள்ளது.
கமலா ஹரிஸ் அமெரிக்கர்களின் உரிமைகளுக்காக போராடுவதால் நான் அவருக்கு வாக்களிக்க போவதாக ஸ்விப்ட் தனது இன்ஸ்டாகிராம் கணக்கில் தெரிவித்திருந்தார்.
இன்ஸ்டாகிராமில் டெய்லர் ஸ்விப்ட் 284 மில்லியன் பின்தொடர்பவர்களை கொண்டுள்ளார்.
கமலா ஹரிஸ் தொடர்பான அவரது பதிவு 10 மில்லியனுக்கும் அதிகமான விருப்பங்களை பெற்றதுடன் அவர் பதிவிட்ட 24 மணித்தியாலங்களுக்குள் அரசாங்கத்தின் 'vote.gov' இணையதளம் 405,999 பார்வையாளர்களை உள்ளீர்த்துள்ளது.
பிரபலங்களின் செல்வாக்கு
எனினும், ஒரு பிரபலத்தின் ஆதரவு அமெரிக்க ஜனாதிபதித் தேர்தலில் எத்தகைய மாற்றங்களை ஏற்படுத்தக்கூடும் என்ற கேள்வியும் உள்ளது.
முன்னதாக, அமெரிக்காவின் தனியார் தொலைக்காட்சி அலைவரிசை ஒன்றின் தயாரிப்பாளரான ஓப்ரா வின்ஃப்ரேயின் (Oprah Winfrey) ஆதரவு 2009ஆம் ஆண்டு தேர்தலில் பரக் ஒபாமாவிற்கு மில்லியன் கணக்கான வாக்குகளை சேர்த்ததாக அமெரிக்காவின் நோர்த்வெஸ்ட் பல்கலைக்கழகம் கூறியுள்ளது.
அத்துடன், 2010ஆம் ஆண்டளவில் அமெரிக்க நடிகர்களான ஜோர்ஜ் க்ளூனி (George Clooney) மற்றும் அஞ்செலினா ஜூலி (Angelina Jolie) ஆகியோரின் கருத்துக்கள் அமெரிக்க அரசியலில் குறிப்பிடத்தக்க தாக்கத்தை ஏற்படுத்தியதாக வடக்கு கரோலினா மாநில பல்கலைக்கழகம் சுட்டிக்காட்டியிருந்தது.
இளம் வாக்காளர்கள்
இவ்வாறு பிரபலங்கள், இளைஞர்களின் அரசியல் பார்வையில் அதிகளவு செல்வாக்கை செலுத்த முடியும் என்பதில் மாற்றுக்கருத்தில்லை.
இவ்வாறிருக்க, அமெரிக்காவின் 36 மாநிலங்களில் 18-29 வயதுக்குட்பட்ட வாக்காளர்களின் எண்ணிக்கை கணிசமான அளவில் குறைவடைந்துள்ளதாக டஃப்ட்ஸ் பல்கலைக்கழகத்தின் இளைஞர் சிவில் ஈடுபாடு குழுவின் ஆய்வு அறிக்கையில் மேற்கோள் காட்டப்பட்டுள்ளமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
இந்துமாகடல் அரசியலும் ஈழத் தமிழர் அரசியலும் 2 நாட்கள் முன்
சக்திக்கு வைத்த செக், தர்ஷனுக்கு ஷாக் கொடுத்த குணசேகரன்... எதிர்நீச்சல் தொடர்கிறது புரொமோ Cineulagam
சீனாவில் இருந்து அரிய பூமி கனிமங்களை இறக்குமதி செய்ய உரிமம் பெற்றுள்ள இந்திய நிறுவனங்கள் News Lankasri
வேலணை மேற்கு 8ம் வட்டாரம், Jaffna, வேலணை மேற்கு 8ம் வட்டாரம், Northolt, United Kingdom
28 Oct, 2025
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 2ம் வட்டாரம், வட்டகச்சி, பேர்ண், Switzerland, பரிஸ், France
11 Nov, 2024
கரம்பன் மேற்கு, கரம்பன், கொழும்பு, சுவிஸ், Switzerland, கொழும்பு சொய்சாபுரம்
01 Nov, 2023
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024