லங்காசிறி FM
ஹட்டனில் தொலைபேசி கம்பிகளை திருடிய இருவர் கைது
ஹட்டனில் தொலைபேசி இணைப்பு கம்பிகளை வெட்டி திருடி விற்ற இரண்டு சந்தேகநபர்கள் கைது செய்யப்பட்டுள்ளனர்.
குறித்த கைது நடவடிக்கையானது இன்றையதினம்(17.5.2026) மேற்கொள்ளப்பட்டுள்ளது.
ஹட்டன் டெலிகொம் அலுவலகத்தின் கட்டுப்பாட்டில் உள்ள நோர்வூட் , மாஸ்கெலியா மற்றும் காசல்ரீ பகுதிகளில் தொலைபேசி வாடிக்கையாளர்களுக்கு வழங்கப்பட்ட தொலைபேசிக் கம்பிகளே இவ்வாறு வெட்டி வைத்திருந்த இரண்டு சந்தேக நபர்கள் கைது செய்யப்பட்டுள்ளனர்.
கைது
இவ்வாறு சந்தேக நபர்களைக் கைது செய்த பொலிஸ் அதிகாரிகள் மேற்கொண்ட முதற்கட்ட விசாரணையில், சந்தேக நபர்கள் இரவில் வாகனங்களில் வந்து, தொலைபேசிக் கம்பிகளை வெட்டி எரித்து, அவற்றில் இருந்த செம்பை விற்கும் மோசடியில் தொடர்ந்து ஈடுபட்டது தெரியவந்துள்ளது.
வாடிக்கையாளர்களுக்கு தொலைபேசி இணைப்புகளை வழங்குவதற்காக ஹட்டனிலிருந்து நோர்வூட், மாஸ்கெலியா மற்றும் காசல்ரீ பகுதிகளுக்கு வழங்கபட்டிருந்த பெரிய தொலைபேசி இணைப்பு கம்பிகளை ஒரு குழு வெட்டி அகற்றியதாக ஹட்டன் டெலிக்கொம் நிறுவனத்தின் அதிகாரிகள் ஹட்டன் பொலிஸில் நிலையத்தில் முறைப்பாடு ஒன்றினை பதிவு செய்திருந்தனர்.
இந்தச் சம்பவம் தொடர்பாக ஹட்டன் சிரேஷ்ட பொலிஸ் கண்காணிப்பாளர் பிரதீப் வீரசேகரவுக்குக் கிடைத்த தகவலின் அடிப்படையில், ஹட்டன் பொலிஸ் குற்றப் புலனாய்வுப் பிரிவின் அதிகாரிகள் இந்த நடவடிக்கையை மேற்கொண்டனர்.
மேலதிக விசாரணை
இதன் போது நோர்வூட் பகுதியில் சந்தேக நபர்களின் வீட்டில் சோதனை நடத்திய போது சந்தேக நபர்களால் வெட்டி வீட்டில் மறைத்து வைக்கப்பட்டிருந்த சுமார் ரூ. 4 மில்லியன் மதிப்புள்ள பல தொலைபேசி கம்பிகளை பொலிஸார் கண்டுபிடித்துள்ளனர்.
மேலும் இவ்வாறு திருடி வெட்டி எடுத்த தொலைபேசி கேபிள்களை உருக்கிப் பெற்ற ஒரு கிலோ செம்பை அவர்கள் ரூ. 2,500-க்கு விற்பனை செய்தமை தெரியவந்துள்ளது.
கைது செய்யப்பட்ட சந்தேகநபர்களை ஹட்டன் நீதவான் நீதிமன்றில் முன்னிலைப்படுத்தப்படவுள்ளதுடன், மேலதிக விசாரணைகளை ஹட்டன் பொலிஸார் மேற்கொண்டு வருகின்றனர்.
முள்ளிவாய்க்கால் பேரவலத்திற்கான நீதி.. இன்று வரை கேள்விக்குறியே! 8 மணி நேரம் முன்
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
