லங்காசிறி FM
அரசியல் பரப்பில் பெரும் சர்ச்சையை ஏற்படுத்தியுள்ள சுரேஷ் சாலேயின் கைது! எழுந்துள்ள கடும் கண்டனம்
ஈஸ்டர் ஞாயிறு தாக்குதல்கள் தொடர்பான விசாரணைக்காக தேசிய புலனாய்வு பிரிவின் முன்னாள் பனிப்பாளர் சுரேஷ் சாலே கைது செய்யப்பட்டு தடுத்து வைக்கப்பட்டமையை சர்வஜன அதிகாரத்தின் தலைவரும், நாடாளுமன்ற உறுப்பினருமான திலித் ஜயவீர வன்மையாகக் கண்டித்துள்ளார்.
இன்று (25) அவர் தனது எக்ஸ் தளத்தில் பதிவொன்றினையிட்டு கடுமையாக கண்டித்துள்ளார்.
அரச அதிகார துஷ்பிரயோகம்
சுரேஷ் சாலே ஒரு புகழ்பெற்ற மற்றும் மிகவும் திறமையான இராணுவ அதிகாரி மற்றும் போர்வீரர் என்றும், அவர் இலங்கையில் 3 தசாப்தங்களாக நிலவிய கொடூரமான பயங்கரவாதத்தை முடிவுக்குக் கொண்டுவருவதில் குறிப்பிடத்தக்க பங்களிப்பைச் செய்ததாகவும் அவர் கூறியுள்ளார்.
இவ்வளவு சிறந்த அதிகாரியை இந்த வழியில் விசாரிப்பது ஒரு அரசியல் நோக்கத்துடன் செய்யப்பட்டதாகத் தெரிகிறது என்றும், அதன் நியாயத்தன்மை மற்றும் லட்சியம் குறித்தும், அது அரச அதிகார துஷ்பிரயோகமா என்பது குறித்தும் சந்தேகங்கள் எழுகின்றன என்றும் திலித் ஜெயவீர சுட்டிக்காட்டியுள்ளார்.
இந்த நடவடிக்கை நம்பகமான ஆதாரங்களை அடிப்படையாகக் கொண்டிருக்கவில்லை, ஆனால் குறுகிய அரசியல் நோக்கங்களுக்காக எடுக்கப்பட்டால், அது நீதியை கேலி செய்வது மட்டுமல்ல, நமது இலங்கை ஆயுதப் படைகளின் மன உறுதியையும் கடுமையாகப் பாதிக்கும் என அவர் எச்சரித்துள்ளார்.
ஆயுதப்படைகளின் மன உறுதி பாதிப்பு
நாட்டைப் பாதுகாக்கத் தமது உயிரைப் பணயம் வைக்கும் வீரர்கள், அரசியல் தேவைகளுக்கான இலக்குகளாக மாற்றப்படக் கூடாது எனவும் அவர் வலியுறுத்தியுள்ளார்.
நீதி வெளிப்படையானதாகவும், பாரபட்சமற்றதாகவும், திரிபுகளிலிருந்து விடுபட்டதாகவும் இருக்க வேண்டும், மேலும் இதன் அடிப்படையில் இல்லாத எந்தவொரு நடவடிக்கையும் பொறுப்பானவர்கள் மீது ஒரு அழியாத அடையாளத்தை மட்டுமே ஏற்படுத்தும் என்று திலித் ஜெயவீர கூறியுள்ளார்.
நம்பகமான சாட்சியங்களுக்குப் பதிலாக, குறுகிய அரசியல் நோக்கங்களுக்காக இந்த நடவடிக்கை எடுக்கப்பட்டால், அது நீதியைச் சீர்குலைப்பது மட்டுமன்றி, இலங்கை ஆயுதப் படைகளின் மன உறுதியையும் கடுமையாகப் பாதிக்கும் என அவர் எச்சரித்துள்ளார்.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025