லங்காசிறி FM
எதிர்க்கட்சித் தலைவரை கடைகளுக்கு செல்லுமாறு அறிவுறுத்தும் அமைச்சர்
அரிசியின் சந்தை விலை நிலவரம் குறித்து தெரிந்து கொள்ள கடைக்குப் போய் வருமாறு சஜித் பிரேமதாசவுக்கு அமைச்சர் மகிந்த அமரவீர ஆலோசனை வழங்கியுள்ளார்.
அரிசியின் விலை குறித்த தகவல்கள் தெரியாததால், எதிர்க்கட்சித் தலைவரிடம் கடைக்குச் சென்று அரிசியின் சரியான விலையைக் கண்டறியுமாறு கேட்டுக்கொள்வதாக விவசாய அமைச்சர் மகிந்த அமரவீர நேற்று (20.06.2023) நாடாளுமன்றத்தில் தெரிவித்தார்.
பாசுமதி, கீரி சம்பாவை பற்றி யோசித்து விட்டு மற்ற அரிசி பற்றி பேச வேண்டாம் என எதிர்க்கட்சித் தலைவரிடம் அமரவீர தொடர்ந்தும் கேட்டுக் கொண்டார்.
எதிர்க்கட்சித் தலைவர் சஜித் பிரேமதாச எழுப்பிய கேள்விக்கு பதிலளிக்கும் போதே அமைச்சர் மேற்கண்டவாறு தெரிவித்தார்.
அரிசியின் விலை
மகிந்த அமரவீர மேலும் தெரிவித்ததாவது, நீங்கள் ஹம்பாந்தோட்டையில் நீண்ட காலம் இருந்தீர்கள்.
அரிசி 220க்கு விற்கப்படுகிறது என்று சொன்னீர்கள். நீங்கள் சமீபத்தில் கடைக்கு வரவில்லை என்று நினைக்கிறேன்.
லுனுகம்வெஹர பிரதேசத்தில் அரிசியின் விலை 125 ரூபாவாக பதிவாகியுள்ளது. எதிர்க்கட்சித் தலைவர் பதவியில் பணியாற்றிய அனைவரும் சந்தைக்குச் சென்றனர். சென்று விலைகளைக் கண்டறிந்தார்கள்.
நீங்களும் அவ்வாறு போய் வாருங்கள். மற்றவர்களின் பேச்சைக் கேட்டு நீங்கள் கருத்துச் சொல்லாதீர்கள்.
பாசுமதி, கிரி சம்பாவை பற்றி யோசித்து பேசாதீர்கள். இந்த நாட்டில் பெரும்பான்மையான மக்கள் நாடு மற்றும் பச்சை அரிசியை உண்கின்றனர்.
அவற்றின் விலை 200 ரூபாவுக்கு மேல் இல்லை.
உரங்கள்
எம்ஓபி உரங்களுக்கு தட்டுப்பாடு இல்லை. யாராவது கொடுக்கவில்லை என்றால் அந்த அதிகாரிகள் மீது நடவடிக்கை எடுப்பேன்.
பொலன்னறுவையில் யூரியாவில் சிறிய பிரச்சினை ஏற்பட்டது. நாடு முழுவதும் யூரியா போகிறது.
மண் உரங்கள் இலவசமாக வழங்கப்படுகிறது. தேவைக்கு அதிகமாக எம்ஓபி உரம் உள்ளது.
சில அதிகாரிகள் அரசை தர்மசங்கடத்தில் ஆழ்த்துவதற்காக உரத்தட்டுப்பாடுகளை உருவாக்குகின்றனர்.
அத்தகைய அதிகாரிகள் மீது நடவடிக்கை எடுக்கப்படும் என்றும் அமைச்சர் மகிந்த அமரவீர தொடர்ந்தும் தெரிவித்துள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
கொக்குவில், Muscat, Oman, தாவடி, கொழும்பு, Melbourne, Australia
12 Sep, 2025
சரசாலை வடக்கு, சுவிஸ், Switzerland, England, United Kingdom
14 Sep, 2020
