லங்காசிறி FM
வெளிநாட்டு தொழிலாளர்களினால் இலங்கைக்கு கிடைத்துள்ள பெருந்தொகை டொலர்கள்
2026 மே மாதத்தில், தொழிலாளர்களின் பணப்பரிமாற்றமாக இலங்கை 847 மில்லியன் அமெரிக்க டொலர்களை பெற்றுள்ளது.
இது, 2026 ஏப்ரல் மாதத்தில் பதிவான 767.9 மில்லியன் அமெரிக்க டொலர்கள் மற்றும் 2025 மே மாதத்தில் பெறப்பட்ட 641.7 மில்லியன் அமெரிக்க டொலர்களுடன் ஒப்பிடும்போது ஒரு குறிப்பிடத்தக்க உயர்வாகும்.
தொழிலாளர்களின் பணப்பரிமாற்றத்தொகை
சமீபத்திய தரவுகளின்படி, 2026 ஆம் ஆண்டின் முதல் ஐந்து மாதங்களில் தொழிலாளர்களின் பணப்பரிமாற்றத்தொகை 3.91 பில்லியன் அமெரிக்க டொலர்களாக இருந்தது.
இது, 2025 ஆம் ஆண்டின் இதே காலகட்டத்தில் பதிவான 3.10 பில்லியன் அமெரிக்க டொலர்களை விட அதிகமாகும். இந்த வரவு, அமெரிக்க டொலர் மதிப்பில் ஆண்டுக்கு ஆண்டு 26 சதவிகித அதிகரிப்பைக் குறிக்கிறது.
இலங்கை தொழிலாளர்கள் வெளிநாடுகளிலிருந்து அனுப்பும் வருமானத்தின் தொடர்ச்சியான வலிமையை எடுத்துக்காட்டுகிறது. ரூபாய் மதிப்பில், 2026 மே மாதத்தில் பணப் பரிமாற்றத் தொகை 275.2 பில்லியன் ரூபாவை எட்டியுள்ளது.
இலங்கையின் முக்கிய அந்நியச் செலாவணி வருமானம்
மே 2025-ல் 192.1 பில்லியன். ஜனவரி முதல் மே 2026 வரையிலான ஒட்டுமொத்த வெளிநாட்டுப் பணவரவு 1.23 டிரில்லியன் ரூபாவாக இருந்தது. இது கடந்த ஆண்டு இதே காலகட்டத்தில் பதிவான 922.6 ரூபா பில்லியனிலிருந்து 33.4 சதவிகித அதிகரிப்பைக் காட்டுகிறது.
சுற்றுலா மற்றும் ஏற்றுமதிகளுடன், தொழிலாளர் பணவரவுகளும் இலங்கையின் முக்கிய அந்நியச் செலாவணி வருமான மூலங்களில் ஒன்றாகத் திகழ்கின்றது.
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
