லங்காசிறி FM
கடும் சனநெரிசல்! இ.போ.சபைக்கு சொந்தமான பேருந்தை இடையில் நிறுத்தி சென்ற சாரதி (PHOTOS)
வவுனியாவில் இருந்து பூவரசன்குளம் ஊடாக செட்டிகுளம் சென்ற இ.போ.சபைக்கு சொந்தமான பேருந்தில் ஏற்பட்டுள்ள அதிக சனநெரிசல் காரணமாக பேருந்தை இடை நடுவே சாரதி நிறுத்திச்சென்ற சம்பவமொன்று பதிவாகியுள்ளது.
இந்த சம்பவம் தொடர்பில் மேலும் தெரியவருவதாவது,
வவுனியாவில் இருந்து பூவரசன்குளம் ஊடாக செட்டிகுளம் சென்ற இ.போ.சபைக்கு சொந்தமான பேருந்தில் அதிக சனநெரிசல் ஏற்பட்டு பேருந்தில் பலர் தொங்கிக்கொண்டு பயணித்தமையால் பேருந்தை இடைநடுவே நிறுத்து விட்டு சாரதி இறங்கிச் சென்றுள்ளார்.
பேருந்து இடை நிறுத்தப்பட்டமைக்கான காரணம்
வவுனியாவில் இருந்து புறப்பட்ட பேருந்து மாலை 6.40 மணியளவில் பட்டானிச்சூர் பகுதியை அடைந்த போது சாரதி வாகனத்தை செலுத்த முடியாது என தெரிவித்து பேருந்தில் இருந்து இறங்கிச் சென்றதுடன், அது குறித்து இ.போ.சபை முகாமையாளருக்கும் தெரியப்படுத்தியுள்ளார்.
எரிபொருள் நெருக்கடி காரணமாக வவுனியா - செட்டிகுளம் வரையிலான போக்குவரத்தை தனியார் பேருந்துகள் இடை நிறுத்தியுள்ளதுடன், இ.போ.சபை பேருந்துகளின் சேவையும் மட்டுப்படுத்தப்பட்டுள்ளது.
இந்நிலையில், வவுனியாவில் இருந்து பூவசரன்குளம் ஊடாக பயணித்த இன்றைய இறுதிப்பேருந்தில் வவுனியா நகரில் கற்றல் செயற்பாடுகளுக்கு வந்தோர், வேலைக்கு வந்தோர், தேவை கருதி வந்தோர் என பலரும் செட்டிகுளம் திரும்பிச் செல்ல பேருந்துக்கு காத்திருந்தனர்.
வவுனியா பேருந்து நிலையத்தில் இருந்து புறப்பட்ட இ.போ.சபை பேருந்து இலுப்பையடியை அடைந்த போது பேருந்துக்குள் நெரிசல் ஏற்பட்டுள்ளது.
பாதுகாப்பற்ற பயணம்
இதனையடுத்து பேருந்து மன்னார் வீதி, குருமன்காடு ஆகிய பகுதிகளில் உள்ள பேருந்து தரிப்பிடங்களில் நிறுத்தி பயணிகளை ஏற்றிய போது பேருந்தில் இடப்பற்றாக்குறை ஏற்பட்டதுடன், இளைஞர்கள் பலரும் இடமின்றி பேருந்தின் பின்புறத்திலும், வாயில் பகுதியிலும் தொங்கியபடி பயணித்துள்ளனர்.
இதனை தொடர்ந்து பேருந்து பட்டானிச்சூர் பகுதியை அடைந்த நிலையில், பாதுகாப்பற்ற வகையில் பயணிகளை கொண்டு செல்ல முடியாது எனத் தெரிவித்து இடைநடுவில் பேருந்தில் இருந்து இறங்கி சாரதி சென்றுள்ளதுடன்,சாலை முகாமையாளருக்கும் அவர் தெரியப்படுத்தியுள்ளார்.
இதன்போது சம்பவ இடத்திற்கு சென்ற ஊடகவியலாளர்கள் மற்றும் பொலிஸார் இணைந்து இது குறித்து சாலை முகாமையாளருக்கு தெரியபடுத்தியதையடுத்து இ.போ.சபையின் வவுனியா சாலையில் இருந்து பிறிதொரு பேருந்து அனுப்பி வைக்கப்பட்டு சுமார் ஒரு மணித்தியாலத்திற்கு பின்னர் இரண்டு இ.போ.சபை பேருந்துகளிலும் மக்கள் ஏற்றிச்செல்லப்பட்டுள்ளனர்.
ட்ரம்ப் உருவாக்கிய நெருக்கடி... 18,000 புலம்பெயர்ந்தோரை திரும்பப் பெற ஒப்புக்கொண்ட ஆசிய நாடு News Lankasri
பிக்பாஸ் 8 சீசனை முடித்த கையோடு தனது பேவரெட் போட்டியாளரை சந்தித்த முத்துக்குமரன்... யாரை தெரியுமா? Cineulagam
கோட் இயக்குநர் வெங்கட் பிரபுவின் மனைவி, மகள்களை பார்த்துள்ளீர்களா.. அழகிய குடும்ப புகைப்படம் Cineulagam
புங்குடுதீவு 7ம் வட்டாரம், பரந்தன், Chur, Switzerland, Markham, Canada
21 Jan, 2025
சுழிபுரம் மேற்கு, London, United Kingdom, South Wales, United Kingdom
19 Jan, 2025
புங்குடுதீவு 10ம் வட்டாரம், வவுனிக்குளம், Toronto, Canada, Ottawa, Canada
04 Feb, 2024
மானிப்பாய், திருநெல்வேலி, பிரான்ஸ், France, London, United Kingdom
23 Jan, 2020
அப்புத்தளை, சங்குவேலி, பருத்தித்துறை, வவுனியா, Auckland, New Zealand, சிட்னி, Australia
21 Jan, 2025
கொழும்பு, நியூஸ்லாந்து, New Zealand, அவுஸ்திரேலியா, Australia
22 Jan, 2000
புங்குடுதீவு 8ம் வட்டாரம், Montreal, Canada, Toronto, Canada, வவுனியா
21 Jan, 2022
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
புங்குடுதீவு 2ம் வட்டாரம், புங்குடுதீவு 5ம் வட்டாரம், பிரான்ஸ், France
20 Jan, 2011
புங்குடுதீவு 9ம் வட்டாரம், முரசுமோட்டை, சுவிஸ், Switzerland
21 Jan, 2021
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
