மட்டக்களப்பில் இலங்கை போக்குவரத்து சபையின் ஊழியர்கள் பணிப்பகிஷ்கரிப்பு (Video)

Batticaloa Sri Lanka Sri Lanka Bus Strike

By Bavan Oct 05, 2022 10:44 AM GMT

Bavan

in சமூகம்

Report

மட்டக்களப்பில், இலங்கை போக்குவரத்து சபையில் ஊழல் மோசடியில் ஈடுபட்டுவரும் பிரதி முகாமையாளரை இடமாற்றகோரி போக்குவரத்து சபையின் நடத்துனர்கள் சாரதிகள் மற்றும் ஊழியர் சங்கங்கள் இணைந்து பணிப்பகிஷ்கரிப்பில் ஈடுபட்டுள்ளனர்.

இந்த பணிப்பகிஷ்கரிப்பு இன்று (5.10.2022) முன்னெடுக்கப்பட்டுள்ளது.

இந்த பணிப்பகிஷ்கரிப்பு தொடர்பில் தொழிற்சங்க தலைவர் துரைராஜா கருத்து தெரிவித்துள்ளார்.

மட்டக்களப்பில் இலங்கை போக்குவரத்து சபையின் ஊழியர்கள் பணிப்பகிஷ்கரிப்பு (Video) | Sri Lankan Board Employees Strike Batticaloa

இலஞ்ச ஊழல் மோசடி

அவர் மேலும் தெரிவிக்கையில்,

போக்குவரத்து சபையில் இலஞ்ச ஊழல் ஆணைக்குழுவால் கைது செய்யப்பட முன்னாள் முகாமையாளருடன் செயற்பட்டுவந்த இந்த பிரதி முகாமையாளர் பல இலஞ்ச ஊழல் மோசடியில் ஈடுபட்டுவருவதுடன் 10 நடத்துனர்களை வேலையில் இருந்து பணிநீக்கம் செய்துள்ளார்.

பணிபஸ்கரிப்பு போராட்டம்

இலங்கை போக்குவரத்து சபையின் பிரதி முகாமையாளர் தொடர்ந்தும் பல ஊழல் மோசடியில் ஈடுபட்டுள்ளதற்கான் ஆதாரங்கள் இருப்பதால் அவரை இடமாற்றக்கோரி நாடாளுமன்ற உறுப்பினர்கள் மற்றும் சம்மந்தப்பட்ட அதிகாரிகளுக்கு கடந்த மாதம் கடிதம் அனுப்பிவைத்தோம்.