லங்காசிறி FM
இங்கிலாந்துக்கு எதிராக இலங்கையின் இமாலய வெற்றி - குமார் சங்கக்கார பாராட்டு
Amal
in கிரிக்கெட்
இங்கிலாந்துக்கு எதிராக ராவல்பிண்டியில் இடம்பெற்ற ஒருநாள் போட்டியில் இலங்கை அணி 429 ஓட்டங்கள் என்ற இமாலய இலக்கை வெற்றிகரமாக விரட்டிப் பிடித்து வரலாற்றுச் சாதனை படைத்துள்ளது.
இந்த அபார வெற்றி குறித்து இலங்கையின் முன்னாள் அணித்தலைவர் குமார் சங்கக்கார மற்றும் இங்கிலாந்தின் முன்னாள் அணித்தலைவர் நாசர் ஹுசைன் ஆகியோர் பாராட்டு தெரிவித்துள்ளனர்.
அதேவேளை, அணியின் குறைபாடுகளைச் சரிசெய்ய வேண்டியதன் அவசியத்தையும் சுட்டிக்காட்டியுள்ளனர்.
430 ஓட்டங்களில் இமாலய வெற்றி
இங்கிலாந்து நிர்ணயித்த 429 ஓட்டங்கள் என்ற இலக்கை நோக்கிப் பதிலளித்த இலங்கை அணி, கடைசிப் பந்துக்கு முந்திய பந்தில் (49.5 ஓவர்களில்) 430/8 ஓட்டங்கள் எடுத்து வெற்றி பெற்றது.
இது ஆண்களுக்கான ஒருநாள் போட்டிகளிலேயே இரண்டாவது அதிகபட்ச வெற்றிகரமான சேஸிங் (Second-highest successful run chase) ஆக பார்க்கப்படுகின்றது. 2006-இல் அவுஸ்திரேலியாவுக்கு எதிராக தென்னாபிரிக்கா 438 ஓட்டங்களை விரட்டியதே முதலிடத்தில் உள்ளது.
இந்த வெற்றி குறித்து இங்கிலாந்தின் முன்னாள் வீரர் நாசர் ஹுசைன் தமது கருத்தை பதிவிட்டுள்ளார் "இலங்கை ஒரு திறமையான மற்றும் உணர்ச்சிமிக்க கிரிக்கெட் நாடு. அவர்களுக்கு இன்றைய நாள் போன்ற ஒரு வரலாற்று வெற்றி மிகவும் தேவைப்பட்டது, அது அவர்களுக்குக் கிடைத்துள்ளது என குறிப்பிட்டுள்ளார்.
இலங்கை வீரர்களை பாராட்டிய வீரர் குமார் சங்கக்கார
இதேவேளை, “ இந்த வெற்றியைக் கொண்டாடுங்கள், ஆனால் பந்துவீச்சு, களத்தடுப்பு மற்றும் முதல் 10 ஓவர்களில் தூடுப்பாட்டத்தில் நிலவ வேண்டிய அமைதி ஆகியவற்றைப் பற்றிப் பேசத் தொடங்குங்கள். பவன் ரத்நாயக்க மற்றும் அவிஷ்க பெர்னாண்டோ போன்ற வீரர்களுக்குத் தொடர்ச்சியான வாய்ப்புகள் வழங்கப்பட வேண்டும்.
அதேநேரம், ஷானக்கவை பேட்டி வரிசையில் முன் இறக்கியது அணி நிர்வாகத்தின் சிறந்த ஆட்ட விழிப்புணர்வைக் காட்டுகிறது.
அதே போன்று, இந்த ஒரு வெற்றியால் அணியின் அனைத்துப் பிரச்சினைகளும் தீர்ந்துவிட்டதாகக் கருதிவிடக் கூடாது என்றும், உலகக் கிண்ணத்துக்கு முன் பந்துவீச்சு மற்றும் களத்தடுப்புகளில் உள்ள குறைபாடுகளைக் களைய பயிற்சியாளர்கள், தேர்வாளர்கள் மற்றும் வீரர்கள் தீவிர கவனம் செலுத்த வேண்டும் ” என்றும் இலங்கை அணியின் முன்னாள் வீரர் குமார் சங்கக்கார தெரிவித்துள்ளார்.
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024